Soqqanshonke Isilanchimma Woyyeessiꞌra​—Galagalle Mare Hasaawisate Injeessa

HASIISSANNOHU MAYIRAATI?

Winxoommohu halaalu wixira waa hayikkisa hasiissannonke. (1 Qo 3:6) Hasatto noosi manchinni xaandummoro, wole wote marre hasaambeemmota mitte xaꞌmo xaꞌma danchate. Togo assanke manchu hasaambeemmore hedanni agaranno gedenna ninkerano galagalle hasaawisate qixxaawa shota ikkitannonke gede assitanno. Galagalle marreemmo wote, dangoommohu albaanni kayinsoommo xaꞌmora dawaro qollammora ikkinota kulle hasaawa dandiineemmo.

TENNE ASSA DANDIINANNI GARA:

• Minunni mine hadhine soqqamate qixxaabbinanni wote, galagaltine xaaddinanni wote qoltinannita mitte xaꞌmono qixxeessidhe. Hatti xaꞌmo eltinanni borro giddo dawaro qolloonnita ikkitara dandiitanno. Woy wirro xaaddinanni wote qaete annira aate heddinoonnite xiinxallisate horoonsiꞌneemmo borro giddo mittete dawarroonnita ikkitara dandiitanno.

• Hasatto noosi manchi ledo hasaawa jeefissinanni wote, wole woteno isi ledo hasaawa hasidhinannita kultinesi qixxeessitinoonni xaꞌmo xaꞌme. Wole wote xaaddinanni gede teessosi xaꞌmitine haadhe.

• Tenne yannara dangeemmo yitine dinye amaddiniro, dinyeꞌne garinni marre.—Mt 5:37.