Soqqanshonke Isilanchimma Woyyeessiꞌra​—Manna Galagalle Marre Hasaawisa

TOGO ASSA HASIISSANNOHU MAYIRAATI? Maganu Mangiste sokkara hasatto noonsata leellishanno manni Maganu daafira halaale ikkinore rosa hasiꞌranno mannaati. (Is 55:6) Ninke insara Qullaawa Maxaafa biddiitto xiinxallisate, marro marro hinge marre hasaawisa hasiissannonke. Mannaho addi addi qarri iillannonsa daafira, hasattonsa lexxitanno gede assate addi addi doogga horoonsiꞌra hasiissannonke. Qixxaambe haꞌrankenna galagalle marre hasaawinsammora albaanni mixo fushshiꞌranke Qullaawu Maxaafi xiinxallo hanafisiisate kaaꞌlitannonke.

TOGO ASSA DANDIINANNIHU HIITTOONNIITI?

• Mule mule martine hasaawisate woꞌnaalle.—Mt 13:19

• Jaalu gede ikkitine ayirrinyunni hasaawisse

• Faasiiqqine keere hadhe. Hasaawissinanni mancho suꞌmisinni woshshe. Galagaltine martinoonnohu mayiraatiro kullesi; xaꞌmosira dawaro qoltinara, muli barra fultino metseete uyitinasira, webisayitenke horoonsiꞌnanni gara kultinasira, viidiyo leellishshinasira woy Qullaawa Maxaafa xiinxallissinannisi gara leellishshinasira martinoonniha ikkara dandaanno. Isi hasaawa hasiꞌranno hajo wole ikkituro, hattee hajo hasaabbe.—Fil 2:4

• Qullaawu Maxaafi hedo kultine, hattono borro uyitine wodanisira wixxinoonnihu halaalu wixira waa hayikkisse. (1Qo 3:6) Hasaawissinanni manchi ledo dancha aante heedhoꞌne

• Wole wote martine hasaawissinanni wotira injeessitine hadhe