KIRISTAANU HEESHSHORA
Soqqanshonke Isilanchimma Woyyeessiꞌra—Silketenni Farciꞌra
HASIISSANNOHU MAYIRAATI? “Dancha Duduwo kulate looso” umo fushshate kaaꞌlitannonketi mitte kaajja doogo, silketenni farciꞌrate. (Soq 20:24)a Silketenni farciꞌra, manna noowa marre hasaawisa dandiineemmokki gede assannori tuncu yaannonke woyite sabbakate kaaꞌlitannonke.
TENNE ASSA DANDIINANNI GARA:
Qixxaabbe. Hasaawate maltino hajo doorre. Hakkiinni mayitine hasaawissinanniro haransitine borreessidhe. Dowwoltinoonnisi manchi silke kayisa hoogeenna sokkaꞌne qaddaꞌine wora hasiissannoꞌneha ikkara dandaanno daafira, mayira dowwoltinoonniro kultannota harancho sokkano qixxeessiꞌra dandiitinanni. Borreessidhinoonni qaagiishshanna wole hasiissannoꞌne coyibba lawishshaho JW Layibirere woy jw.org® faꞌnate kaaꞌlannoha elekitirooniksete uduunnicho mule wodhitine ofolle.
Wodanaaꞌmitine coyidhe. Kalaqamunni hasaabbinanni garinni coyidhe. Hasiisikkinni taxxi taxxi yitinoonte. Wole halashshaano ledo kaaꞌlame soqqama danchate. Qaete anni xaꞌmo xaꞌmiꞌnero, hattenne xaꞌmo macciishshamanno garinni leddine coyidhe; tenne assitiniro, soqqanshote miiliꞌne xaꞌmo macciishshe dawaro hasa kaaꞌlannoꞌne
Galagaltine hasaawissinanni woyitira injeesse. Hasaawissinoonni manchi lede afate hasatto noosita leellishiro, wole woyite silketenni qoltinannita mitte xaꞌmo xaꞌma dandiitinanni. Qoleno mitte borro imeeletenni sokkinasira, isi noowa massitinasira woy poostunni sokkinasira heddinoonnita kullesi. Woy viidiyonke giddo mitte woy borronke giddonni mitto birxicho silkete sokka widoonni woy imeeletenni sokkinasira dandiitinanni. Hasiisanno woyite, webisayitenkera noo borro daafira kullesi.
a Qooxeessiꞌnera silketenni farciꞌra fajjinanniha ikkiro, manni mashalaqqe (lawishshaho suꞌma, silkete kiiro) horoonsiꞌra hasiissanno gara kultannota gashshootu wodho ayirrisa hasiissannoꞌne.