Saamueeli Heeshshonni Ronseemmore

Saamueeli heeshshosi diro woꞌma Yihowara ammaname heeꞌrino. Isi qaaqqu noo yannara Eeli ooso Afiininna Finihaasi huntasira diwodhino. (1Sa 2:22-26) Saamueeli lophanni haꞌrino; Yihowano ledosi no. (1Sa 3:19) Saamueeli jawa ikkihu gedensaanni, oososi ammanantinokkire ikkiturono isi Yihowara ammaname soqqama diagurino.—1Sa 8:1-5.

Saamueeli lawishshinni maa rosa dandiineemmo? Wedella, Yihowa iillannoꞌne qarranna mayi macciishshamannoꞌnero afannota huluullantinoonte. Isi worbuulle ikkitinanni gede kaaꞌlannoꞌne. (Is 41:10, 13) Annuwanna amuuwa oosoꞌne Yihowara soqqama agurtinoha ikkiro, Saamueeli oososi Yihowara ammanante heedhanno gede giddeessinokkita afaꞌne sheshifachishshannoꞌne. Isi tenne hajo Yihowa biddi assanno gede isira agure, minshe nookkiha ikke heeꞌrino; hattono iimi Annasi Yihowa hagiirsiisino. Kiꞌnehu danchu lawishshi oosoꞌne wirro Yihowawa higganno gede kaaꞌlansara dandaanno.

LAWISHSHANSA HARUNSE—SAAMUEELI YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLA WOꞌNAALLE:

• 

  Saamueeli qaaqqu heeꞌre worba ikkinota leellishinohu hiittoonniiti?

• 

  Daani worba ikkinota leellishinohu hiittoonniiti?

• 

  Saamueeli jawu noo yannara dancha lawishsha ikkinohu hiittoonniiti?

• 

  Daani anninna ama dancha lawishsha ikkinohu ma garinniiti?