Sauniga o le Auaunaga mo Fepuari

Vaiaso e Amata ia Fepuari 1

Pese 92 (172)

10 minu: Faasilasilaga masani ma Faasilasilaga e fili mai i La Tatou Faiva o le Malo. Faatomua se taulimaga o mekasini e faavae i lomiga fou.

20 minu: “Felagolagomai ma Lo Tatou Faiaʻoga o Suesuega Tautusi a le Faapotopotoga.” Fesili ma tali.

15 minu: “Taulimaga e Faigofie ma e Aogā.” Talanoa ma le aofia. Pe a talanoaina le palakalafa e 3, fai se faataʻitaʻiga e faaalia ai pe faapefea ona faatupu e le tagata talaʻi le naunau o lē ona le fale i le tusi Ola e Faavavau. E ao ona matuā vaaia le faaalia e le tagata e ona le fale o le naunau. Pe a talanoaina le palakalafa e 5, faataʻitaʻi pe faapefea ona faaaogā e le tagata talaʻi se sāvali e faaauau ai se talanoaga lea sa faaalia ai e lē ona le fale sina naunau.

Pese 117 (215) ma le tatalo faaiʻu.

Vaiaso e Amata ia Fepuari 8

Pese 89 (162)

10 minu: Faasilasilaga masani. Talanoa i manatu e faia ai ni talanoaga o loo i mekasini fou. Faalaeiau i tagata uma ina ia auai i le auaunaga i le fanua i le faaiʻuga o le vaiaso.

20 minu: “Faia Suesuega Faale-Tusi Paia i le Tusi Ola e Faavavau.” Talanoa i fesili ma tali. Pe a uma ona talanoaina le palakalafa e 6, faataʻitaʻi pe faapefea e se tagata talavou ona ofoina ma amata se suesuega faale-Tusi Paia e faaaogā ai le tusi Ola e Faavavau. Faamatala so o se mea na tupu i talavou o le faapotopotoga o ē na mafai ona amataina ni suesuega.

15 minu: “E Mafai Faapefea ona Tatou Toe Totogi atu ia Ieova?” Lauga e faia e le ovasia taʻitaʻi po o se isi toeaina, e faavae i le mataupu i Le Olomatamata o Aperila 1, 1992, itulau e 28-31. Ia faamālō ma le mafana i uso mo lo latou sao i le lagolagoina o le galuega a le Sosaiete i le lalolagi aoao faapea foi le lagolagoina o le faapotopotoga. Ia taʻua foi mea o loo faia e le faapotopotoga i le lagolagoina o le fausiaina o le lālā fou, ma so o se polokalama o fauga fale o loo faagasolo i le taimi nei i le atunuu.

Pese 27 (53) ma le tatalo faaiʻu.

Vaiaso e Amata ia Fepuari 15

Pese 76 (143)

10 minu: Faasilasilaga a le faapotopotoga. Tala o le tupe. Faailoa atu ni faaupuga talisapaia mai le Sosaiete ona o foai tauofo na aauina atu, ma faamālō i le faapotopotoga ona o le lagolagosua faamaoni mo manaoga o le faapotopotoga. Ia faalaeiau le faia o se sao i le auaunaga i le fanua i le faaiʻuga o le vaiaso.

20 minu: ‘Ia Aʻoaʻo atu i Mea Uma ua Ou Fai atu ai ia te Outou.’ Talanoa ma le aofia i fesili ma tali. A talanoaina le palakalafa e 4 ma le 5, ia avatu ni faaaʻoaʻoga o mau ma lomiga e fetaui ma le tulaga o le faapotopotoga. Fai se faataʻitaʻiga saunia lelei e faaalia ai pe faapefea ona faia se fesuiaiga mai lou faatomuaina o se talanoaga i se tasi o sāvali. Ia talanoaina se palakalafa se tasi pe lua o le sāvali pe a lava le taimi. Faalaeiau i tagata uma lava ina ia finafinau i le taumafai e amataina ni suesuega fou faale-Tusi Paia.

15 minu: “Toto” (“Blood”), i le tusi Reasoning, i le itulau e 72-74. Faaaogā se faatulagaga o se toe asiga e fesiligia ai e lē ona le fale ni fesili o loo taʻua i le mataupu ma o loo tusia i mataitusi matamata tetele. E ao i tali a le tagata talaʻi ona faavae mai i faamatalaga o loo i le tusi Reasoning.

Pese 103 (193) ma le tatalo faaiʻu.

Vaiaso e Amata ia Fepuari 22

Pese 83 (150)

10 minu: Faasilasilaga masani. Tala Faatiokarate.

20 minu: “Faaalia le Talisapaia mo le Togiola.” Lauga a se toeaina.

15 minu: “Le Silafaga a Ieova i Amioga Sauā.” Faia e se toeaina agavaa le talanoaga i fesili ma tali. Pe a talanoaina le palakalafa e 2, ia faasino atu manatu i tulaga o amioga sauā i Samoa, e pei ona lipotia mai i tala talu ai nei. Ia faatatauina mau o loo siiina mai. I le faaiʻuga, ia faamamafa le tiute tauave e sili ona tāua ua tatou maua o le avea o ni ē e tauaveina le suafa o Ieova. E tatau pea lava ona tatou saili ina ia tausia pea le filemu na i lo le taui atu i le faasauā.

Pese 109 (204) ma le tatalo faaiʻu.