Sauniga O Le Auaunaga Mo Ianuari
Vaiaso e Amata ia Ianuari 4
Pese 9 (37)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Afai ua suia taimi o sauniga ia Ianuari 1, faamanatu i tagata uma ina ia faaaogā pepa na e faailoa atu ai le faasologa fou.
15 minu: “Ia Faaaogā Lelei Tusi Tuai.” Talanoaina i fesili ma tali. Ia faailoa mai ni tusi tuai o loo iai i le faapotopotoga. Faailoa mai nisi o vala tāua i na tusi, ma faamatala mai le auala e ono mafai ona ofoina atu ai i isi. Faalaeiau i tagata uma ina ia ofoina nei tusi i le auaunaga i le fanua ma pe a molimau atu lē fuafuaina ia Ianuari. Ia faaaofia ai ma se faataitaiga puupuu, ma faigofie.
20 minu: “La Tatou Faaiuga—Ia Tausisia le Ala a Ieova i le Ola.” O se lauga. Ia faaaofia ai ni faalaeiauga mo tagata uma ina ia auai e lē aunoa i sauniga e lima faalevaiaso a le faapotopotoga.
Pese 16 (143) ma le tatalo faaiu.
Vaiaso e Amata ia Ianuari 11
Pese 21 (191)
10 minu: Faasilasilaga a le faapotopotoga. Tala o le tupe.
20 minu: Po o E Iloiloina le Tusi Paia i Aso Taitasi? Lauga ma se talanoaga ma le aofia. I tausaga taitasi e saunia ai e le Sosaiete le tamai tusi Iloiloina o le Tusi Paia i Aso Taitasi. Po o outou faaaogā lelei taitoatasi pe avea foi o se aiga lenei lomiga? Faamatala mafuaaga aogā e ao ai ona tatou talanoaina le mau o le Tusi Paia mo aso taitasi. Talanoa i faamatalaga o loo faatomua mai i le Iloiloina o le Tusi Paia i Aso Taitasi—1999, itulau 3-4. Valaaulia tagata talaʻi ina ia faamatala mai ni taumafaiga faapitoa taitoatasi po o ni aiga foi, o faia e talanoaina ai ma le faamaoni le mau o aso taitasi.
15 minu: “Ia Faaalia le Onosai.” Se talanoaga a ni tagata o se aiga. Latou te autaluina ni auala e mafai ona latou faatinoina ai le onosai i se tulaga e sili atu i la latou faiva. Faaaofia ai ni faamatalaga talafeagai mai Le Olomatamata o Iuni 15, 1995, itulau e 12.
Pese 26 (212) ma le tatalo faaiu.
Vaiaso e Amata ia Ianuari 18
Pese 17 (187)
5 minu: Faasilasilaga a le faapotopotoga.
10 minu: Manaoga o le faapotopotoga.
15 minu: “Ovasia o Loo Taimua—O Faisuesuega o Suesuega Tautusi a le Faapotopotoga.” Lauga a se faisuesuega o fai ma faaaoaoga lelei, o lē na te autaluina ona tiute. E na te faailoa mai le auala e saosaolaumea ai lea galuega i le agaigai i luma ma le lelei faaleagaga o le faapotopotoga. Ia faaaofia ai ma ni faamatalaga autū mai le tusi, Organized to Accomplish Our Ministry, itulau 43-45, 74-76.
15 minu: “Amataina o Suesuega i le Polosiua o le Manaomia.” Talanoaina i fesili ma tali.
Pese 11 (85) ma le tatalo faaiu.
Vaiaso e Amata ia Ianuari 25
Pese 15 (127)
10 minu: Faasilasilaga a le faapotopotoga.
15 minu: “Fetuunaiga i Itula Manaomia mo Paeonia.” Lauga e faia e se toeaina. Ia faamālō atu i paeonia i le faapotopotoga, ma faalaeiau le toatele o isi tagata talaʻi ina ia faia le auaunaga o le paeonia lagolago ma le sauatoa, i le manatu e faia nisi gaoioiga atili ia Mati, Aperila, ma Me. Faaaofia ai ni faamatalaga mai faaopoopoga o La Tatou Faiva o le Malo o Fepuari 1997 ma Iulai 1998.
20 minu: Le Faia o se Filifiliga Faaletulafono mo le Puleaina o Togafitiga Faafomai e Lē Faaaogaina ai le Toto (Galu. 15:28, 29). Lauga a se toeaina agavaa i le tāua o le faatumuina o le pepa, Faatonuga ua Muai Saunia mo Fomai ma Tuusaoloto Ai (Advance Medical Directive/ Release), e faavae i le auivi ma le tusi o Oketopa 15, 1991. O le taiala faagaeeina i le Salamo 19:7 e faaalia ai faapea, o le Galuega 15:28, 29 o se faailoga mai lea o le tulafono e atoatoa ona lelei a le Atua e faatatau i le toto. E taumafai tagata tapuai faamaoni e tausisia lena tulafono. O lenei pepa e faailoa atu ai lau faaiuga maumauai e faia faapea, ma e tautala mo oe pe afai ua lē mafai ona e tautala. (Faatusatusa i le Faataoto 22:3.) O le pepa fou o se faalauiloga ua toe faafouina o lou teena o le toto. Pe a maeʻa lenei sauniga, o le a tufatufaina atu ai i Molimau papatisoina se pepa fou, ma o i latou e iai fanau laiti e lei papatisoina, o le a maua se pepa ID mo tamaiti taitoatasi. E lē manaomia ona faatumuina nei pepa i le po nei. E tatau ona faatumuina ma le faaeteete nei pepa i le fale ae AUA le sainia. O le sainia, molimauina, ma le tusia o le aso o pepa uma, o le a faia pe a maeʻa le isi Suesuega Tautusi a le Faapotopotoga e sosoo ai, i le vaavaaiga a le faisuesuega o le suesuega tautusi. A o lei sainia, ia faamautinoa ua faatutumuina uma ia pepa. O i latou e sainia e avea o ni molimau, e tatau ona vaai a o sainia e i latou e ona pepa ia pepa. I le faaaogaina o faaupuga mai lenei pepa e tusa ai ma o latou lava tulaga ma talitonuga, e mafai ai foi e tagata talaʻi e lei papatisoina ona tusia ni a latou lava pepa taiala e mafai ona faaaogā mo i latou lava ma a latou fanau. E tatau i le faisuesuega o le Suesuega Tautusi ona fai se lisi e siaki ma faamautinoa ai ua maua e i latou uma o tofia atu i la latou vaega le fesoasoani e latou te manaomia i le faatumuina o le pepa, Faatonuga ua Muai Saunia mo Fomai ma Tuusaoloto Ai.
Pese 6 (45) ma le tatalo faaiu.