Sauniga o le Auaunaga mo Oketopa
Vaiaso e Amata ia Oketopa 4
Pese 2 (15)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.
15 minu: “O le Galuega Talaʻi ua Matuā Ese Mai ai i Tatou.” Faatapulaa upu tomua ia itiiti ifo i le minute, ona sosoo ai lea ma le talanoaina o le mataupu i fesili ma tali. Ia faaaogā le tusi o Le Poto, itulau 173, palakalafa 8, e faamatala puupuu mai ai mea e mafai ona tatou fai atu ai ina ia faalaeiʻau i se tagata suʻesuʻe o le Tusi Paia e agaʻi atu e faia sona sao i le faiva.
20 minu: Ia Mataalia i Mekasini! Ia taʻua le aofaiga o mekasini na tufaina atu e le faapotopotoga i le masina ua mavae. Pe faapefea ona faatusatusa atu lenei fuainumera ma le aofaʻiga o mekasini na auina mai e le Sosaiete? Afai e telē se eseesega, o le ā se mea e manaʻomia ona fai? Valaaulia le aofia ina ia fai mai ni o latou manatu i mea nei: (1) E tatau i tagata talaʻi taʻitoʻatasi ona ota ia lava se sapalai o mekasini, ae ia talafeagai foʻi. (2) Ia manatu o Aso Toonai uma o ni Aso o Mekasini. (3) Faatulaga lau faasologa totino o le auaunaga ina ia faaaofia ai ma se galuega mekasini i masina uma. (4) Fuafua e faia atili nisi molimau lē fuafuaina e faaaogā ai mekasini ma amata ai ni talanoaga. (5) Ia avatu mekasini o iai ni mataupu faapitoa i tagata faipisinisi ma tagata faigaluega i matātā faapitoa o ē foliga mai e sili atu ona latou fiafia i ai. (6) Fai se faamaumauga saʻo o mekasini na tufaina atu, ma ia ati aʻe se alā mekasini, e foʻi atu i ai e lē aunoa ma mekasini fou. (7) Ia faaaogā lelei ni kopi tuai o mekasini ina ia aua neʻi na ona faaputuina. Faailoa mai mekasini fou o iai, ma faaali mai ni mataupu e foliga mai o le a faatupu ai le naunau fiafia o tagata. Ia faaaogā se tagata matua ma se talavou e tofu i laʻua ma se faataʻitaʻiga puupuu e fai i le ofoina o mekasini.—Tagaʻi i le faaopoopoga o La Tatou Faiva o le Malo o Setema 1995.
Pese 8 (53) ma le tatalo faaiʻu.
Vaiaso e Amata ia Oketopa 11
Pese 11 (85)
10 minu: Faasilasilaga a le faapotopotoga. Tala o le tupe.
15 minu: Manaʻoga o le faapotopotoga.
20 minu: “Le Auala e Maua Atili ai le Olioli Mai Sauniga.” Fesili ma tali. Ia taʻua ni faaaʻoaʻoga patino o le auala e mafai ona tatou faaali atu ai le magafagafa ma avea o ni faalaeiʻau o le tasi i le isi i sauniga. Valaaulia le aofia e faamatala mai ni faaaʻoaʻoga mai mea na latou tofo totino i ai.
Pese 26 (212) ma le tatalo faaiʻu.
Vaiaso e Amata ia Oketopa 18
Pese 6 (45)
10 minu: Faasilasilaga a le faapotopotoga ma tala i ni mea na tutupu i le auaunaga i le fanua.
13 minu: “Po o le a E Siitia Atu?” O se lauga faalaeiʻau a le failautusi. Afai ua iloa e tagata talaʻi e manaʻomia ona siitia atu i se isi faapotopotoga, e tāua tele lo latou faamasani lelei atu i lo latou siomaga fou o le a iai ina ia ʻalofia ai le toe solo i tua faaleagaga. Ia faamamafa le manaʻomia ona faailoa atu i toeaina e uiga i na fuafuaga ma ia talosagaina la latou fesoasoani i le faafesootaʻia o le faapotopotoga fou lea o le a e siitia atu i ai.
22 minu: “O le ā o le a E Fai Atu ai i se Tagata Siū?” Fesili ma tali. Faamatala atu eseesega i le va o lotu faa-Iutaia o le Orthodox, Reform, ma le Conservative Judaism. (Tagaʻi i le Mankind’s Search for God, itulau 226-227.) Faailoa mai ni itu e foliga mai e mafai ona tatou faavaeina ai se manatu tatou te tau fai ioe faatasi i ai ma se tagata Siū. Fai se faataʻitaʻiga o se taulimaga saunia lelei. Mo nisi faamatalaga atili i faiga faa-Iutaia, tagaʻi i le faaopoopoga o La Tatou Faiva o le Malo o Fepuari 1998; le tamaʻitusi Amata ma Faaauau Talanoaga, itulau 14-15; ma le Mankind’s Search for God, mataupu 9.
Pese 28 (224) ma le tatalo faaiʻu.
Vaiaso e Amata ia Oketopa 25
Pese 24 (185)
15 minu: Faasilasilaga a le faapotopotoga. Fesoasoani i tagata uma ina ia nofo sauni e ofo atu le polosiua o le Manaomia po o le tusi o Le Poto ia Novema. Ia faamatala atu le auala e sauniuni ai se taulimaga e taulaʻi atu i le fesili, “Pe talia e le Atua tatalo?” Faaaogā manatu mai le lesona 7 i le polosiua po o le mataupu 16, palakalafa 12-14, i le tusi. Fai se faataʻitaʻiga faigofie e faaaogā ai se mau se tasi.
15 minu: Sailia o Tali i Fesili Faale-Tusi Paia. Ua faalatalata atu i se auauna o le faiva, se tagata talaʻi o lē na fetaiaʻi ma se tagata fiafia e iai sana fesili faale-Tusi Paia. Na i lo le taʻu atu i ai o le tali, ae ua faamatala atu e le auauna o le faiva le auala e suʻe ai le tali. Muamua, na te autaluina fautuaga o loo maua i le School Guidebook, suʻesuʻega 7, palakalafa 8-9. Ona la sailia faatasi lea o se fesili e masani ona lāgā i la tatou oganuu. E la te sailia ni faasinoga patino e talafeagai ma le mataupu ma suʻe manatu e mafai ona faatalitonu ai na o loo faamanino ai le māfuaaga tāua mo tali faale-Tusi Paia. Faalaeiʻau le aofia ina ia faia lenei ituaiga o suʻesuʻega tauia e saili ai tali o fesili faale-Tusi Paia.
15 minu: O Sini Tatou te Ono Faataatitia. Lauga ma se talanoaga ma le aofia. Autalu sini aogā o loo faaauivi mai i le pusa i le itulau e 11 o Le Olomatamata o Mati 15, 1997. Ia faaaofia ai ma se faalaeiʻauga ina ia auai i le auaunaga o le paeonia lagolago po o le paeonia sauatoa. Faamatala pe mafai faapefea e le ausiaina o nei sini ona tatou maua totino ai aogā. Valaaulia le aofia e faamatala mai nisi o mea olioli na tofo i ai ina ua mafai ona latou ausia nisi o sini faatiokarate.
Pese 3 (32) ma le tatalo faaiʻu.