Faasologa o le Sauniga o le Auaunaga

Vaiaso e Amata iā Ianuari 14

Pese 5 (6)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Ia faaaogā taulimaga o loo i le itulau e 8 po o nisi taulimaga e fetaui ma la outou oganuu, ma faataʻitaʻi le auala e ofo ai le Olomatamata Ianuari 1 ma le Ala Mai! o Ianuari-Mati 2008. Talanoa le mataupu “O le Tusi Paia o le Lalolagi Fou i le Gagana Samoa.”

15 minu: “Ia Faaaogā Lelei Lou Taimi i le Talaʻiga.”a Faatalanoa se uso o loo avea ma faataʻitaʻiga lelei i le auala o loo taʻimua ma vaaia ai le faatasiga mo le talaʻiga. E faapefea ona ia sauniuni e ave le ʻautalaʻi i le oganuu ma faaaogā lelei le taimi i le talaʻiga?

20 minu: ‘Ia Lē Aunoa Ona Tautatala Atu i Upu e Faamāi i le Masima.’b Pe a talanoaina le palakalafa e 2, faitau le Ioane 4:7-15, 39.

Pese 65 (85)

Vaiaso e Amata iā Ianuari 21

Pese 92 (185)

10 minu: Faasilasilaga a le faapotopotoga. Ia taʻua le ofo o Fepuari, ma faataʻitaʻi le ofo. Faalaeiau tagata uma e matamata i le vitiō Transfusion-Alternative Health Care—Meeting Patient Needs and Rights e sauni ai mo le talanoaga e faia i le Sauniga o le Auaunaga o le vaiaso o Fepuari 4.

10 minu: Po o E Faaaogāina le Tusi Iloiloina Tusitusiga Paia i Aso Taʻitasi? Lauga ma le talanoaga e faavae mai le faatomuaga o le Iloiloina Tusitusiga Paia i Aso Taʻitasi—2008. Talanoa faatasi i le tāua o le faaavanoa o se taimi i aso uma e talanoa ai le mau ma le faaopoopoga. Valaaulia le aofia e faamatala mai a latou faasologa o taimi e fai ai mau ma ni aogā ua latou maua mai ai. Ia muaʻi fuafua se toʻatasi, pe toʻalua e fai mai ni faamatalaga. Talanoa puupuu i le mau o le tausaga 2008.

25 minu: “Molimau Atoatoa i le Tala Lelei.”c (Pala. 1-10) E taulimaina e le ovasia o le auaunaga. Faatalanoa se tagata talaʻi e toʻatasi pe toʻalua sa paeonia lagolago i le tausaga ua teʻa e ui ina pisi pe lē lelei foʻi le malosi. O le ā le auala na ia mafai ai? O ā ni fiafiaga na maua ai? Pe a talanoaina le palakalafa e 7, faamatala le faasologa mo faatasiga mo le talaʻiga iā Mati, Aperila, ma Me.

Pese 88 (162)

Vaiaso e Amata iā Ianuari 28

Pese 42 (52)

10 minu: Faasilasilaga a le faapotopotoga. Faamanatu i le ʻautalaʻi e aumai a latou lipoti o le auaunaga o Ianuari. Faitau le tala o le tupe ma tusi faafetai mo foaʻi na auina atu. Talanoaga ma le aofia e faavae mai Le Olomatamata o Fepuari 1 ma le Ala Mai! o Ianuari-Mati. Pe a uma ona taʻua puupuu mataupu o iai, fai i le aofia e faamatala mai po o fea ni mataupu o le a fia faitau i ai tagata o le oganuu, ma pe aiseā. Valaaulia le aofia e faamatala mai ni manatu mai le mataupu ua latou fuafua e faaaogā i le faiva. Faamata o ā ni fesili e faaaogā e amata ai talanoaga? O ā mau i le mataupu e mafai ona faitau? O le ā le auala e fesootaʻi ai le mau i le mataupu? Faaaogā taulimaga o loo i le itulau e 8, e faataʻitaʻi ai le ofoina o nei mekasini.

20 minu: “Molimau Atoatoa i le Tala Lelei.”d (Pala. 11-17) Pe afai ua maua tusi valaaulia, tufa i tagata uma o le aofia pe a talanoaina le palakalafa e 14. Faamatala fuafuaga a le faapotopotoga mo le tufaina o valaaulia i le oganuu.

15 minu: “Aʻoaʻo Tagata Suʻesuʻe e Avea ma Tagata Talaʻi o le Malo.”e Afai e lava le taimi, valaaulia le aofia e fai mai ni o latou manatu i mau o loo iai i le mataupu.

Pese 18 (20)

Vaiaso e Amata iā Fepuari 4

Pese 80 (131)

10 minu: Faasilasilaga a le faapotopotoga. Talanoa i le Pusa Fesili.

10 minu: Manaʻoga o le faapotopotoga.

25 minu: “Ua Faatumu Sau Pepa?” Talanoaina e se toeaina. Ia fai o se lauga, ae afai e toʻatele nisi o le aofia na matamata i le vitiō Patient Needs and Rights, ona talanoa lea ma faaaogā fesili i le mataupu. A oo i le faaiʻuga, faitau le palakalafa mulimuli ma faalaeiau tagata uma ia faitau lelei i mataupu mai Le Olomatamata ma La Tatou Faiva. Ia faamatala e faapea, o i latou uma e leʻi faia lea tulaga e ao ona faaaogā lisi o loo i le faaopoopoga o La Tatou Faiva o Novema 2006 e filifili ai i vaega ninii o le toto, faapea togafiti faafomaʻi e na te talia, ma tusia i lana pepa Faatonuga/ Tuusaunoaina Faafomaʻi ua Muaʻi Saunia.

Pese 4 (4)

[Faaopoopoga i lalo]