“O Ē Vivii ma le Olioli”—Tauaofiaga Itumalo a Molimau a Ieova

O aso e tolu mo le faatamaoaigaina i faatonuga mai le Tusi Paia, o loo faatalitali atu mo oe. E mai le 180 tauaofiaga ua faatulagaina mo na o le Iunaite Setete lava ia, o le a faapena foi ona faia ai se tauaofiaga e latalata ane i le nofoaga o loo e alaala ai. Ia e i ai i le taimi e amata ai le polokalama i le tātāina o musika i le 9:40 i le taeao o le Aso Faraile.

O le a faatomua le polokalama o le taeao o le Aso Faraile i upu faafeiloai faapea ma le lauga autū o lona matua e faapea: “Ia Vavaeese e Avea o Ē Vivii ma le Olioli i le Lalolagi Aoao.” I le aoauli, o le a tuusao atu ai le polokalama i talavou, mātua, ma aʻoaʻoga “Po ua Ou Nofo Sauni e Faaipoipo?” O se lauga o le a lē mananao le au talavou e misia. E tatau i mātua ona faalogologo lelei i le lauga, “O Mātua o Ē Maua le Fiafia i a Latou Fanau.” O le a faaiuina le polokalama o le aoauli i le lauga “Aʻoaʻoga—Ia Faaaogā e Vivii ai ia Ieova.” O mea o talanoaina e ao ona fesoasoani i talavou e taulau manuia ai i aʻoga.

O le polokalama o le taeao o le Aso Toonai, o le a faatomua ai le papatisoga ma o le a maua ai le avanoa mo i latou ua agavaa e papatisoina ai. I le afiafi, o le a talanoaina tuusaʻo ai le auala a Satani mai lava i le amataga i le faaaogaina o le tuinanau i feusuaiga e maileia ai tagata. O le a i ai foi se lauga malosi e faapea, “Aloese Mai Mailei a le Tiapolo.” O le a faaiuina le polokalama o le aso i se lauga tāua e faapea, “Le Pogai e Manaomia ai e Tagata le Poto o le Atua.”

O le lauga faasolo i le taeao o le Aso Sa, o lona matua e faapea, “O Ē Vivii ma le Olioli i le Faaiuiuga o Lenei Faiga o Mea” o le a faatepa taulai atu ai mafaufau i mea matautia e gatete ai ua le pine a e oo mai. O le a faamamafa mai ai le uunaiga ina ia faavave ona sosola i se nofoaga saogalemu a o lei amataina “le puapuaga tele” lea na fetalai i ai Iesu Keriso e pei ona faamauina i le Mataio 24:21.

O le a faaiuina le polokalama o le taeao i le tala tāua “Āva i Ē ua Tatau i ai le Āva i O Latou Tausaga Matutua.” I le aoauli, o le a faia ai le lauga mo le lautele, “Vivii i le Tupu o le Vavau!” O le ʻauʻau lena o le tauaofiaga.

Ia faia nei sauniuniga ina ia auai. A fia iloa le nofoaga o le tauaofiaga e latalata ane i lou alalafaga, fesili atu i le Maota o le Malo o Molimau a Ieova i lou vaipanoa, pe tusi atu i ē o lomia lenei mekasini. Ua faaalia i Le Olomatamata o Fepuari 15, 1995, tuatusi o nofoaga o tauaofiaga.