Agai ina Tomai i Lau Faiva
1 Sa faalaeiauina e le aposetolo o Paulo le atiina ae o le tomai i le faiva. Na ia tusia: “Ia e [faia le mea aupito sili, NW] ina ia avea oe ma le ua fiafia mai i ai le Atua, o le faigaluega e leai se mea e mā ai, na te vaevaetonuina le upu moni.”—2 Timo. 2:15.
2 E maua le tomai i le faiva. O le mea lea, e tatau ai ona tatou ‘faia le mea aupito sili’—faamuamua se taumafaiga faatauānau—pe afai e fia avea i tatou ma faifeau tomai. Peitai o le ā o le a fesoasoani ia i tatou?
AʻOAʻO MAI LE AFIOGA A LE ATUA
3 O lo tatou poto totino i Tusitusiga Paia e i ai se sootaga tuusaʻo ma lo tatou uigā o ni faifeau. O lo tatou faamasani lelei ma le mea ua aʻoaʻoina e le Tusi Paia, o le sili atu lea o lo tatou uigā i le “vaevaetonuina [o] le upu moni.” O lea e matuā tāua ai le faataatia ese o se taimi mo le suesuega totino.—1 Timo. 4:15, 16.
4 O se isi auala e faamasani ai ma le Afioga a le Atua o le “uai e sili atu i le mea masani” i le faatonuga faavae a le Tusi Paia ua maua i sauniga a le faapotopotoga. (Epe. 2:1, NW) Ua talanoaina i lauga lautele manatu o talanoaga aupito lelei mo le faiva pe mafai foi ona auauina mai le Suesuega Tau Tusi a le Faapotopotoga. Ua faaauupegaina i tatou e le Aʻoga o le Faiva Faatiokarate i toleniga tāua ina ia avea ma faiaʻoga tomai, ma ua saunia e le Sauniga o le Auaunaga faufautuaga fesoasoani ma faataʻitaʻiga faatino e lagolagosua ia i tatou ia matuā agavaa o ni faifeau. Ae peitai, ina ia maua le aogā sili, e manaomia ona tatou sauniuni lelei ma auai ma le tiotio i sauniga uma.
FAATATAU FAUFAUTUAGA
5 Na taʻu atu e Paulo i le faapotopotoga i Filipi e faatino mea na latou aʻoaʻoina i le fesootaiga ma ia. (Fili. 4:9) Tatou te manaomia foi ona faatinoina mea ua tatou aʻoaʻoina e ala mai le faalapotopotoga a Ieova. Mo se faaaʻoaʻoga, i le lomiga o Ianuari 15, 1990, o Le Olomatamata (w-E 7/15/88), itulau 15-20, na tatou aʻoaʻoina ai auala e mafai ona tatou atiina aʻe ai oganuu “fou” i vaipanoa e galueaiina soo. E faaopoopo i le faamamafaina o le manaoga mo se faafeiloaiga faafouina, faatosina ma maumauai, ua faalaeiau i tatou e le mataupu ia taaina lē ona le fale e faatalitalia i tatou e asiasi atu pea. Na aumaia ai le fautuaga ia maeʻaeʻa i le sailia o i latou e tatau ai, i le sueina o tagata eseese o loo nonofo i le fale e tasi. I le faatatauina o ia faufautuaga, ua tatou faatinoina ai mea ua tatou aʻoaʻoina ma faaleleia ai lo tatou tomai i le faiva.
6 Pe o tatou faaaogāina e le aunoa le tusi Reasoning i le faiva i le fanua? O faatomuaga ua fautuaina atoa ma le vaega i le faapefea ona tali atu i ē ono taofia talanoaga e mafai ona faamaʻaiina ai lo tatou tomai e molimau. E faaopoopo i lena, o le sauniunia ma le faataʻitaʻia o le Mataupu mo Talanoaga ma le auala o le a tatou ofoina ai le ofo mo le masina o le a saosaolaumea i lo tatou taulau i le faiva.
7 Afai e te manao i ni faufautuaga faaopoopo i le faapefea ona faaleleia lau faiva, oo atu i le ovasia o le auaunaga po o lou taʻitaʻi o le suesuega tau tusi ma fesili i ai mo se fesoasoani. O i tatou uma lava e mafai ona faaleleia lo tatou tomai o ni faifeau, e “vaevaetonuina le upu moni.” I sina taimi e lē o toe mamao, o le a aumaia e Ieova le iʻuga i lenei faiga amioleaga. Seia oo atu i lena taimi, o lo tatou faanaunauga mai le loto ia fesoasoani i le toatele o tagata a o tatou mafaia ia maua le faaolataga ma aumaia ai le viiga i lo tatou Atua o Ieova.—Ioane 15:8.