Pe o le a Avea ea Aperila o se Masina Faapitoa mo Oe?

¹ E masani lava ona tatou faasino atu i masina o Mati ma Aperila o se vaitaimi o le Faamanatuga. Talu ai le faamanatuina pea o le Faamanatuga i lenei taimi o le tausaga, ua faagaeeina ai tagata o Ieova ina ia faateleina so latou sao i le faiva i le fanua.

² O nisi o ē na avea ma paeonia lagolago ia Mati o le a faaauau pea ma o le a faatasi atu i ai isi i lenei faiva faateleina ia Aperila. Afai e mafai ona faia sou sao, e ao la ona vave avatu lau tusi talosaga.

³ E oo foi ia i latou o ē e lē mafai ona paeonia, e mafai ona avea Aperila o se masina faapitoa e ala i le faateleina o la latou faiva i le fanua. E mautinoa, e tele ni mea e tatau ona faia. Atonu e mafai e tagata talaʻi o le faapotopotoga atoa ma paeonia ona valaaulia tagata talaʻi fou ina ia galulue faatasi ma i latou i le fanua. E ao ona faia se taumafaiga faaopoopo e valaaulia ai tagata naunau uma i le Faamanatuga ia Aperila 17.

⁴ E ala i le mataala e faafeiloaia ē fou e auai, atonu e mafai ai ona e amataina se isi suesuega faale-Tusi Paia. Faatasi ma le faamanuiaga a Ieova i luga o au taumafaiga faateleina, o le a fuatele mai ai lau faiva ma faamaonia ai le avea o Aperila o se masina faapitoa mo oe.—Sala. 34:8; Faata. 10:22.