Pusa Fesili

◼ Pe tatau ona iai se faafanua atoa o le oganuu a le faapotopotoga e faaalia i le Maota o le Malo?

Ioe, e tatau ona iai se faafanua atoa o le oganuu a le faapotopotoga ua uma ona faavaa ma tautau i se puipui i le Maota o le Malo. E lē tatau ona tautau le faafanua i le laupapa o loo faapipii ai faasilasilaga. E tatau ona faaalia i le faafanua ia tuaoi uma o le oganuu tofia a le faapotopotoga ma tuaoi o oganuu taʻitasi ma le numera ua tofia i ai. E tatau foʻi ona faaalia ai tuaoi o oganuu a faapotopotoga uma e faaaogāina le Maota o le Malo e tasi. O le a fesoasoani lenei mea i tagata talaʻi ma tagata fiafia fou e iloa ai po o fea le faapotopotoga e ona le oganuu lea latou te nonofo ai. O le faaalia foʻi o Suʻesuʻega Tautusi a le Faapotopotoga i le faafanua o le a fesoasoani i tagata uma e iloa ai le suʻesuʻega tautusi lea e tofia i ai i latou. E tatau foʻi ona tausia le faafanua i se tulaga o loo ōgatusa ma fesuiaʻiga o le oganuu.

O le faaalia o sea faafanua ua avea o se faamanatu i tagata talaʻi uma e faapea, afai e mafai, e lelei pe a iai se tofiga o se oganuu totino. E fesoasoani le faafanua ia i latou e mananaʻo e filifili se oganuu e latalata i lo latou aiga. E mafai ona faasaoina ai taimi mo le auaunaga i nisi taimi, e mafai ai e lē o loo taʻimua ona vave faasino ia vaega taʻitasi o le ʻautalaʻi i vaipanoa ua tofia i latou e galulue ai.

O le faafanua e faamaonia ai foʻi e faapea ua faamaopoopoina le faapotopotoga e talaʻi māeʻaeʻa le feʻau o le Malo i lana oganuu tofia.—Luka 9:6.