Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Setema 4 e oo ia Tesema 18, 2000. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava saʻiliʻiliga loloto totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sesē:

1. Na taofia e Tavita ia Apisai mai le fasiotia o Semi talu ai sa taʻusalaina Tavita i tuuaʻiga na faia e Semi faatatau ia te ia. (2 Samu. 16:5-13) [Faitau Tusi Paia faalevaiaso; tagaʻi i le w99 5/1 itu. 32 pala. 3]

2. O se lotofuatiaifo e mamā ma toleniina lelei, e lē gata ina taʻitaʻiina atu ai i se faiā totino ma māfana ma le Atua ae e manaʻomia mo lo tatou faaolataga. (Epe. 10:22; 1 Pete. 1:15, 16) [w98 9/1 itu. 4 pala. 4]

3. O le tala o loo i le 1 Tupu e pau lava lona aogā mo se Kerisiano ona o le talafaasolopito, auā e na o le toʻa 2 mai le toʻa 14 o tupu na pule i Isaraelu ma Iuta ina ua mavae le maliu o Solomona, na taulau i le faia o le mea saʻo i le silafaga a Ieova. [bsi00 itu. 13. pala. 1]

4. O le Afe Tausaga o le Pulega a Iesu e mafai ona faatusatusa atu i le 40 tausaga o le pulega filemu ma le olaola a Solomona. (1 Tu. 4:24, 25, 29) [Faitau Tusi Paia faalevaiaso; tagaʻi i le w90 10/1 itu. 6 pala. 5.]

5. O le tanuina faalelei o Avia o se faamaoniga manino lea faapea sa avea o ia ma auauna faamaoni a Ieova, na o ia lava mai le aiga o Ierepoamo. (1 Tu. 14:10, 13) [Faitau Tusi Paia faalevaiaso; tagaʻi i le w95 4/1 itu. 12 pala. 11.]

6. O le faataunuuina o le papatisoga faa-Kerisiano e faaalia ai le avea o se tasi ma auauna taʻumatuaina a le Atua. [w98 10/1 itu. 28 pala. 2]

7. Na tuuina atu e Ieova ia Elia le lototele e lē mafaia e tagata ma puipuia o ia mai le fefe. (1 Tu. 18:17, 18, 21, 40, 46) [Faitau Tusi Paia faalevaiaso; tagaʻi i le w98 1/1 itu. 31 pala. 2.]

8. Na matilatila le fausaga o le malumalu o Solomona e lē na o lona mamalu ma le matagofie o lona teuteuina ae ona o lona faaataina mai o le malumalu faaleagaga o Ieova e sili atu ona mamalu. [bsi00 itu. 15 pala. 9]

9. O le faatauasoina lea na oo i le ʻautau a Suria ona o upu a Elisaia sa avea moni o se faatauasoina faalemafaufau talu ai sa mafai ona latou iloa atu Elisaia ae sa lē mafai ona latou mātaulia po o ai o ia. (2 Tu. 6:18, 19) [Faitau Tusi Paia faalevaiaso; tagaʻi i le si itu. 70-71 pala. 10.]

10. O le tuuina atu o le “tulafono,” e pei ona taʻua i le 2 Tupu 11:12, o se gaoioiga faafaatusa lea e faamatala ai faapea o le faauigaina e le tupu o le Tulafono a le Atua e lē masuia ma e tatau ona usitaia. [Faitau Tusi Paia faalevaiaso; tagaʻi i le w91-E 2/1 itu. 31 pala. 6.]

Tali fesili ia o loo mulimuli mai:

11. Ina ia ōgatusa ma le 1 Ioane 2:15-17, o le ā e ao i mātua amioatua ona uunaʻia a latou fanau e ʻalofia pe a tuuina atu taʻiala ia i latou i le auala e filifili ai se galuega faaletino talafeagai? [w98 7/15 itu. 5 pala. 3]

12. O le ā le uiga o le manatu o loo taʻua i le 2 Samuelu 18:8, lea o loo faapea mai: “Ua sili ona toatele o le nuu ua oti i le vao i e na oti i le pelu”? [Faitau Tusi Paia faalevaiaso; tagaʻi i le w87-E 3/15 itu. 31 pala. 2.]

13. O ai i aso nei e mafai ona faatusa atu i le tauaiga o Koliata, le ʻau Rafa, ma o le ā o loo latou taumafai malosi e fai? (2 Samu. 21:15-22) [Faitau Tusi Paia faalevaiaso; tagaʻi i le w89-E 1/1 itu. 20 pala. 8.]

14. O le ā se mataupu silisili aogā o le Tusi Paia tatou te aʻoaʻoina mai le 2 Samuelu 6:6, 7? [bsi00 itu. 12 pala. 8]

15. O le ā le mataupu silisili tāua e mafai ona aʻoaʻoina mai le mea na tupu i se tamāloa na fasiotia ona o le solia o le Sapati? (Nu. 15:35) [w98 9/1 itu. 20 pala. 2]

16. E ala i le faia o le ā e mafai ona tatou faataʻitaʻi atu ai i le tupu tamaʻitaʻi o Seepa o lē na malaga i se nofoaga mamao ina ia faalogologo ‘i le poto o Solomona’? (1 Tu. 10:1-9) [Faitau Tusi Paia faalevaiaso; tagaʻi i le w99 7/1 itu. 31 pala. 1-2.]

17. E tusa ai ma le 1 Tupu 17:3, 4, 7-9, 17-24, o ā auala e tolu na faaalia ai e Elia lona faatuatua ia Ieova? [Faitau Tusi Paia faalevaiaso; tagaʻi w92 8/1 itu. 19 pala. 4.]

18. Aiseā sa lē avea ai le musu o Napota e faatau atu lana tovine ia Aapo ma mea e faapea atu ai ua aliali ai lona faauamaaa? (1 Tu. 21:2, 3) [Faitau Tusi Paia faalevaiaso; tagaʻi i le w97 8/1 itu. 13 pala. 18.]

19. Ua faapefea i upu o loo i le 2 Tupu 6:16 ona faalaeiauina ai auauna a Ieova i aso nei? [Faitau Tusi Paia faalevaiaso; tagaʻi i le w98 6/15 itu. 18 pala. 5.]

20. I ā auala e ao ai i Kerisiano moni i aso nei ona puipuia ai mai le faasimona? [w98 11/15 itu. 28 pala. 5]

Tuu ane le upu, ni upu po o se fasi fuaiupu manaʻomia e faauma ai fuaiupu nei:

21. E lē tatau i se Kerisiano moni ona lolo atu i le ․․․․․․․․ ma auai i ni aganuu e lē fiafia i ai le ․․․․․․․․. (Faata. 29:25; Mata. 10:28) [w98 7/15 itu. 20 pala. 5]

22. I le molimau atu i luma o le tupu o Akeripa, na faaaogā ai e Paulo le ․․․․․․․․, i le faamamafa atu o manatu ia na la ․․․․․․․․ uma i ai ma Akeripa. (Galu. 26:2, 3, 26, 27) [w98 9/1 itu. 31 pala. 3]

23. Talu ai e ․․․․․․․․ le Atua, e ono manatu ai nisi faapea e leai ni ona uiga moni o se peresona, ae o le faifai pea ma le matuā uaʻi atu i taimi o ․․․․․․․․ o le a fesoasoani i se tasi ina ia “iloa atu i le le o vaaia.” (Epe. 11:27) [w98 9/15 itu. 21 pala. 3-4]

24. E pei ona mātauina i le mea na tupu i le taʻitaʻiʻau Suria o ․․․․․․․․, i nisi o taimi, e tele aogā e maua mai le faatinoina o sina ․․․․․․․․. [Faitau Tusi Paia faalevaiaso; tagaʻi i le w99 2/1 itu. 3 pala. 6–itu. 4 pala. 1.]

25. E pei lava ona loto atu Ionatapa i le tupu o Ieu, ua faapena ona faailoa atu ai ma le lotoatoa ma le lagolagosua e le ․․․․․․․․ le Ieu Sili, o ․․․․․․․․, o loo fai ma ona sui i le lalolagi ia ․․․․․․․․. (2 Tu. 10:15, 16) [Faitau Tusi Paia faalevaiaso; tagaʻi i le w98 1/1 itu. 13 pala. 5-6.]

Fili le tali saʻo i faamatalaga ia o loo mulimuli mai:

26. O (Satani; Ieova; Ioapo) na ia faaosoina Tavita ina ia agasala e ala i le ‘faitauina o Isaraelu.’ (2 Samu. 24:1) [Faitau Tusi Paia faalevaiaso; tagaʻi i le w92 11/15 itu. 5 pala. 2.]

27. Ina ia ōgatusa ma le 1 Tupu 8:1 ma le Failauga 1:1, na faapotopoto e Solomona tagata ina ia (fausia le malumalu; saʻilia fili o Isaraelu; tapuaʻi ia Ieova). [Faitau Tusi Paia faalevaiaso; tagaʻi i le si itu. 112 pala. 3.]

28. O le vaitaimi e 20 tausaga lea na fausia ai e Solomona le malumalu ma lona fale i Ierusalema e faatusatusa atu lea i se vaitaimi o fetuutuunaʻiga tau aʻoaʻoga ma faalefaalapotopotoga na amataina i le (1919; 1923; 1931) ma na faaiʻuina i le (1938; 1942; 1950). (1 Tu. 9:10) [Faitau Tusi Paia faalevaiaso; tagaʻi i le w92 7/1 itu. 20 pusa.]

29. O le upu “lagi” lea o loo faaaogāina i le 2 Tupu 2:11 e faasino atu i le (afioʻaga faaleagaga o le Atua; vateatea faitino; faataamilosaga o le ʻea i le lalolagi, lea e feleleaʻi ai manulele ma agi ai le savili). [Faitau Tusi Paia faalevaiaso; tagaʻi i le w97 9/15 itu. 15 pusa.]

30. O (Herota le Sili; Kaisara Aokuso; Tiperio Kaisara) o ia lena na poloaʻiina le tusigaigoa lea na iʻu ai i le fanau ai o Iesu i Peteleema na i lo Nasareta. [w98 12/15 itu. 7 pusa.]

Faafetaui mau ia o loo mulimuli mai i faamatalaga o loo lisiina i lalo:

Sala. 15:4; 2 Samu. 12:28; 2 Samu. 15:18-22; 2 Tu. 3:11; Kolo. 3:13

31. E tatau ona faaaloalogia le tulaga ulu i le faatulagaga faatiokarate a Ieova. [bsi00 itu. 12 pala. 8]

32. E ao ona tausia le faamaoni i le faalapotopotoga a Ieova ma ona sui tofia. [bsi00 itu. 12 pala. 8]

33. O le talisapaia o le alofa mutimutivale o Ieova e mafai ona uunaʻia ai se tasi e pulea ona faalogona ma ufiufi ai vaivaiga. [w98 11/1 itu. 6 pala. 3]

34. O se faaeaga le faaalia atu o le agaga talimalo ma auauna atu ma le lotomaulalo i auauna faamaoni a Ieova o loo i le auaunaga faapitoa. [Faitau Tusi Paia faalevaiaso; tagaʻi i le w97 11/1 itu. 30 pala. 8.]

35. O se tagata e mataʻu i le Atua na te faia le mea aupito sili e faataunuu ai ana upu e totogi ana aitalafu, e ui lava i tulaga lē maʻalofia e tulaʻi mai e faafaigatā ona faataunuu. [w98 11/15 itu. 27 pala. 1]