Pusa Fesili

◼ O ā ituaiga o laʻei ma teuga e ao ona laʻeiina pe a asiasi atu i aiga Peteli ma ofisa o lālā?

Pe a tatou asiasi atu i Peteli, e tusa lava pe asiasi atu e maimoa i fale o le lālā pe asiasi atu i sui o le aiga Peteli, o “o o tatou laʻei, teuga, ma le amio e ao ona talitutusa ma lea ua faatalitalia mai iā i tatou pe a auai i sauniga mo le tapuaʻiga i le Maota o le Malo.” (om 131) Ae peitaʻi, ua mātauina e faapea, pe a asiasi atu i ofisa o lālā, e laʻei e nisi uso ma tuafāfine ofu e fai ai feʻau i le fale pe ō ai foʻi e tafafao. E lē talafeagai na teuga pe a asiasi atu i nei fale. E tatau ona avea ma faaaʻoaʻoga lelei o tatou foliga ma ia onomea, ia atagia atu ai uiga faaaloalo e tatau ai mo auauna a Ieova le Atua.—1 Timo. 2:9, 10.

E tāua tele lenei mea aemaise lava pe a asiasi atu i aiga Peteli ma ofisa o lālā, talu ai e tosina mai ai iā i latou manatu o le toʻatele o tagata e lē o ni Molimau o loo vaavaai mai. E ono faatupu ai e tagata o loo vaavaai mai ni manatu e uiga i tagata o le Atua ma lana faalapotopotoga ona o mea o loo latou vaaia. O se mea lelei pe a talanoa atu i tagata suʻesuʻe o le Tusi Paia ma isi o ē atonu e asiasi mai, e faamanatu atu ai iā i latou le tāua o le uaʻi totoʻa i o latou laʻei ma teuga talafeagai. O le a talisapaia e le aiga Peteli lo outou faia o lenei mea.

Ona o ni faifeʻau Kerisiano, e tatau ona tatou faaeteete ina ia lē tausuai nisi ona o o tatou foliga vaaia. (2 Kori. 6:3, 4) Na i lo o lea, tau ina ia avea a tatou teuga talafeagai ma mea e “viia ai i mea uma lava . . . le aʻoaʻoga a le Atua lo tatou Faaola.”—Tito 2:10, LF.