Po o E Faaaogāina Tamaʻi Pepa?

Sa maua e se tamaitiiti e 11 ona tausaga se tamaʻi pepa o loo faasilasila ai se lauga i le lautele i le mataupu e faatatau i seoli. Na ia faamatalaina mulimuli ane e faapea, “sa ou matuā naunau lava i ai, ona e foliga mai ou te faia lava mea sesē i taimi uma, ma ou te popole tele i susunu aʻu i le afi i seoli pe a ou oti.” Na ia auai i le lauga, ma pe tusa o le tausaga mulimuli ane ai, ina ua uma ona faia ni ana suʻesuʻega i le tele o mataupu faale-Tusi Paia, ae papatiso loa. O inā na amata ai loa le faiva faa-Kerisiano a Karl Klein, lea na auauna mulimuli ane mo le tele o tausaga e avea o se sui o le Vaega Pule o Molimau a Ieova. Na amata mai i se tamaʻi pepa na maua.

O loo aogā pea tamaʻi pepa i le molimau atu i aso nei. E iloa e le toʻatele o le ʻautalaʻi faapea, o le tuuina atu o se tamaʻi pepa i se tagata, o se auala lelei e faailoa atu ai i latou ma amata ni talanoaga. E mafai ona faaaafia e mātua a latou fanau i le faiva, e ala i le tuu atu iā i latou o se tamaʻi pepa e ofo atu i se tagata i le faitotoʻa. O le ʻautalaʻi o loo molimau atu e ala i le tusia o ni tusi, e mafai ona faailoa atu ia sauniga e ala i le tuuina i totonu o le tusi o se tamaʻi pepa. Ma o le mea moni, o tamaʻi pepa o se auala talafeagai, e valaaulia ai tagata aʻoga o le Tusi Paia ma isi tagata fiafia i a tatou sauniga.

Po o e faaaogā lelei tamaʻi pepa i lau faiva?