Polokalame Fou o Fonotaga Matagaluega

E mafai faapefea ona tutumau faasaga iā i latou o ē matuā tetee i le tapuaʻiga moni? E faapefea ona tatou manumalo mai omiga ia e taumafai e toe tataʻi atu i tatou i lenei lalolagi faalēmataʻu? O le a taliina i le polokalame o le fonotaga matagaluega mo le tausaga faaleauaunaga o le 2009 na fesili tāua. O le matua “Ia Faatoʻilaloina Pea le Leaga i le Lelei.” (Roma 12:21) Seʻi tagaʻi i mataupu o le a iai i le polokalame.

O le a tauaaoina e le ovasia itumalo le lauga “Ia Faamalosia Ina ia Faatoʻilalo le Leaga i le Lelei,” “Ia Faaeteete i le Soona Mautinoa!,” “Ua Lata le Iʻuga o Mea Leaga Uma!,” ma le “Ia Faamalosia lo Tatou Faatuatua e Faatoʻilalo ai le Lalolagi.” O le a talanoaina e le ovasia matagaluega le matua “O le Taimi Lenei e Tūtūmau ai i le Mataala!,” e faavae i le Roma 13:11-13, ma le “Aua Neʻi E Faavaivai i le Aso Vale,” lea e faavae mai le Faataoto 24:10. E tatou te tulimataʻia foʻi le vaega a le ovasia matagaluega “Uaʻi Atu i Manaʻoga o le Matagaluega.” O le isi vaega e tulimataʻia o le “Pe Mafai Ona E ‘Faia Lenei Auaunaga’—E Ala i le Avea ma Paeonia?” O le lauga muamua o lauga faasolo e lua, ua faamatuaina “Ia Tutū Mausalī e Tetee Atu i Togafiti a le Tiapolo.” O le a fesoasoani iā i tatou e iloa ma teena togafiti a le Tiapolo o loo ala mai i faiga faaonapōnei, faafiafiaga, ma aʻoaʻoga. O lauga faasolo “Ia Maua le Mana e Teea ai Satani i Nei Aso ua Leaga,” o le a tatou iloa ai le auala e faatatau atili ai le fautuaga faagaeeina o loo i le Efeso 6:10-18.

E iai se sootaga tuusaʻo i le va o le faaumatiaina o le leaga mai le mea o loo puna mai ai, ma le talaʻia o le feʻau o le Malo. (Faaa. 12:17) E lētioa a mamafa osofaʻiga a Satani i Molimau a Ieova! (Isa. 43:10, 12) O le a toʻilalopopo le Tiapolo ona o a tatou taumafaiga “ia faatoʻilaloina pea le leaga i le lelei.” Ia faia ni fuafuaga mautinoa ina ia maua atoatoa aogā mai vaega e fā o lenei fonotaga matagaluega.