O se Sauniuniga mo Faifeʻau Kerisiano

1. O le ā le faatulagaga fou na amata i le 1938, ma o le ā lona fuafuaga?

¹ Na amata i le 1938 se faatulagaga fou a le faalapotopotoga a Ieova. Na valaaulia faapotopotoga ia auai i fonotaga a le sone, lea ua taʻua nei o fonotaga a matagaluega. Ua taʻua i le Informant (lea ua taʻu o La Tatou Faiva o le Malo) o Ianuari 1939 le fuafuaga e faia ai faapea: “O nei fonotaga, o se faatulagaga a le Faalapotopotoga Faatiokarate a Ieova, auā le faatinoina o le auaunaga o le Malo. E tāua tele faatonuga na saunia ai mo tagata taʻitoʻatasi, ina ia faia lelei le galuega ua tofia atu iā i latou.” Pe a fua i le faatelega ua iai nei o ē e folafola le Malo, mai i le na o le 58,000 i le 1938 i le sili atu i le 7,000,000 i le 2009, e manino mai ai, ua taunuu le fuafuaga na ala ai ona faia fonotaga matagaluega, ina ia fesoasoani i faifeʻau e ‘⁠faia le galuega ua tofia atu iā i latou’!

2. O ā nisi o lauga o le a faia i la tatou fonotaga matagaluega i le tausaga fou faaleauaunaga?

² Mau o le Tausaga Fou: E tatou te aloalo ma le naunau atu i le polokalame lea e amata iā Setema, ma faalaeiauga o le a maua ai. O le matua, “E Lē o ni Tagata o le Lalolagi Outou,” e faavae i le Ioane 15:19. O ā nisi o lauga e mautinoa o le a aogā i faifeʻau Kerisiano? I le Aso Toonaʻi, o le a faia ai le lauga “E Faapefea Ona Puipuia i Tatou i le Auaunaga Faataimi Atoa?” O le a tatou fiafia foʻi e faalogo i se lauga faasolo e tolu vaega, “Aua Neʻi Faaleagaina e . . .” “Le Manufeʻai,” “Le Fafine Talitane Sili,” ma “Le ʻAufaatauʻoa o Loo Femalagaaʻi.” I le Aso Sa, o le a tatou faalogo ai i se lauga faasolo o le matua, “Ia Alolofa iā Ieova ae Lē o le Lalolagi.” O isi lauga e aofia ai, “Ia Faaauau Ona Avea ma ‘Tagata Ese ma Ē e Aumau,’” ma “Ia Lototele! E Mafai Ona E Manumalo i le Lalolagi.”

3. O ā aogā e tatou te maua i le auai i le fonotaga matagaluega?

³ Na tusi mai se tuafafine na seāseā talaʻi na auai i se fonotaga matagaluega lata mai nei, ona o le polokalame, na toe iloilo ai lona tulaga ma maumauaʻi ai, “e alu i le talaʻiga ae aua le faia faamolemolega!” O le mea moni, e aogā iā i tatou uma le polokalame o le fonotaga matagaluega o le tausaga fou faaleauaunaga, ina ia alolofa iā Ieova ae lē o le lalolagi. (1 Ioa. 2:15-17) Ia mautinoa ua e auai ma ia faalogologo lelei, ina ia maua atoatoa ai aogā mai i lenei sauniuniga alofa mo faifeʻau Kerisiano!