Faatāua le Amataina o Suʻesuʻega Faale-Tusi Paia i le Aso Toonaʻi Muamua

I le amataga o Me 2011, na faalaeiauina ai tagata talaʻi ina ia taumafai e amata se suʻesuʻega faale-Tusi Paia i Aso Toonaʻi muamua o masina taʻitasi. Ina ia fesoasoani iā i tatou e faia faapea, ua saunia mai ai se mataupu masani i le lomiga mo le lautele o Le Olomatamata ua faaulutalaina, “Taliina Fesili Faale-Tusi Paia.” O lea, e tatau ona faamatilatila i le faatasiga mo le talaʻiga i Aso Toonaʻi muamua, le auala e faaaogā ai lenei mataupu e amata ai ni suʻesuʻega faale-Tusi Paia, ma e tatau ona faaaofia ai ma se taulimaga.

E mafai e toeaina ona filifili pe e vaeluaina i vaega pe a oo i Aso Toonaʻi muamua, pe e galulue faatasi o se faapotopotoga, ma atonu e mafai ona feiloaʻi i le Maota mo Sauniga. Pe afai e sili atu i le tasi le faapotopotoga o loo faaaogāina le Maota mo Sauniga, e lē tatau ona suia ai lenei faatulagaga i se isi aso, ina ia feiloaʻi faatasi ai o se faapotopotoga mo le talaʻiga.