ʻOA TAUTELE MAI I LE AFIOGA A LE ATUA | IOPU 33-37

E Avatu e se Uō Moni ni Fautuaga e Atiaʻe Ai

Maua le Lomiga Lolomi

Ina ua tautala atu Eliu, sa matuā manino mai le matuā ese o ia mai iā Elifasa, Pilitati, ma Sofara. Sa lelei ana fautuaga ma le auala na feagai ai ma Iopu. Na faamaonia atu e Eliu, o ia o se uō moni ma o se faufautua e avatuina fautuaga aogā. O ia o se faaaʻoaʻoga lelei e faaaʻoaʻo i ai.

O loo talanoa atu Eliu iā Iopu a o tilotilo atu Elifasa, Pilitati ma Sofara

UIGA E TATAU ONA IAI I SĒ E AVATUINA FAUTUAGA E AOGĀ	NA FAATAATIA E ELIU SE FAAAʻOAʻOGA LELEI
32:4-7, 11, 12; 33:1
ONOSAʻI FAALOGOLOGO LELEI FAAALOALO	Na faatalitali ma le onosaʻi Eliu seʻia uma ona tautatala atu tane matutua, ona faatoʻā tautala ai lea O lona faalogologo lelei na ia malamalama ai i le faafitauli, ma avatu ai loa se fautuaga Na ia taʻua le igoa o Iopu ma talanoa atu iā te ia e pei o se uō
33:6, 7, 32
LOTOMAULALO FAIGOFIE ONA TALANOA I AI TIGĀ ALOFA	Sa lotomaulalo ma agalelei Eliu, ma na ia faailoa atu o ia foʻi o sē e lē lelei atoatoa Na tigā alofa o ia i mafatiaga o Iopu
33:24, 25; 35:2, 5
PALENI AGALELEI MULIMULI I FAATONUGA A LE ATUA	Na faailoa atu ma le agalelei e Eliu iā Iopu le lē saʻo o ona manatu Na fesoasoani Eliu iā Iopu e malamalama, o lana amiotonu e lē o le mea lea e sili ona tāua O fautuaga aogā a Eliu na sauniunia ai Iopu, mo isi faatonuga atili mai iā Ieova