Nsaa i nshalelo amweka bu beele bukopo

Bu kileshesho, Sallya a mu États-Unis badi mushimishe bintu byaye bibungi mu kipapi kikata amba’shi: “Ntshinadi namono bu’mi mukumbene kunyingiila byanka mafuku ebungi nya. Munda mwa mafuku ebungi nadi nepusha bu’mi bafudiila.”

Lungi lukalakashi ndutale lufu lwa muntu atudi bafule. Janice a mu Australie, amba’shi: “Panadi mufwishe bana bande boso, naadi mubungye tu myanda toso twa mu nshalelo ande a makyenga. Natekyele Efile Mukulu’shi: ‘Nakusendeela, eshimba dyande tadyobesha dingi dino dikyenga nya! Ntadiile nfwe. Ntankumina kwikala kwanka dimo.’”

Daniel namu badi mukalakashwe nsaa ibadi mukashi aye mutambukye lusandji. Amba’shi: “Nsaa ibadi mukashi ande mundungule’shi ayikalanga mutambukye lusandji, napushishe nka bu abantungu kapete kwishimba. Dino elonda dibadi adinkalakasha nsaa yoso—dibapwile myeshi ikile bungi.”

Uno nimero a Kitenta kya Mulami akyebe kutaluula bilombene kwikala muwa

• Nsaa ayikitshika masaku

• Nsaa ayifu muntu atudi bafule

• Su mwina dibaka nobe bakutwa lulamato

• Nsaa yodi na mukumbo wi bukopo

• Nsaa yopusha bu bakabilwa

Kya kumpala, twi kukita kinyi nsaa ayikitshika masaku?