Tulongamishe mudimo wetu wa bulungudi—Kubanga kulonga Bible na muntu musango wa kumpala w’anwimonena naye ku bukwashi bwa broshire a Mukandu wibuwa w’Efile Mukulu!
Bwakinyi bi na muulo: Bwa kwikasha bantu bu balondji, abitungu tubande kwikala balongyeshi b’Eyi dy’Efile Mukulu. (Mat. 28:19, 20) Ooso a kwatudi mmulombeene kulongyesha bya binyibinyi kalolo nsaa y’afubu na biina mudimo byabadi betupe. Broshire a Mukandu wibuwa w’Efile Mukulu! mbamutuushe bwa kwitukwasha bwa kulongyesha bangi bya binyibinyi. Byabya, abitungu tufube naye bwa kubanga kulonga Bible na muntu nka musango wa kumpala ubatwimoneena naye.
Ebitompeyi munda mwa wawa mweshi:
Lungula Yehowa lukalo lobe lwa kupeta muntu a kulonga naye Bible. Na dingi, sendeela Yehowa akukwashe bodya kubanga kulonga Bible na muntu na kwikala mulongyeshi e buwa a bya binyibinyi.—Fid. 2:13.
Ata nsaa ya lulangwilo lwa mu kifuko sunga mu kwilongyela kwa pa bupenka, bwa kulonga kalolo bya kubanga mwisambo. We mulombeene binobino kwakula na kushinkamisha kooso na kubanga kulonga Bible na muntu bwa musango wa kumpala w’anwimonena naye mu bulungudi.