Mwabi wetu wa kwibaka na kulama kalolo ma mbalo a lulangwilo lwa binyibinyi

Lwibako lwa ntempelo a mu Isaleele lubaadi alutungu mufubo ukata na makuta e bungi. Sunga mbyabya, beena Isaleele abaadi bakite wawa mudimo na kisumi kyooso. (1Mya 29:2-9; 2Mya 6:7, 8) Pabapwile ntempelo, mushindo ubaadi beena Isaleele bamulame ubaadi uleeshe shi mbanyingye sunga kubofula mu kikudi. (2Baf 22:3-6; 2Mya 28:24; 29:3) Lelo uno, Beena Kidishitu bakwete kukisha nsaa na kutuusha bukome bwi bungi mu mudimo wa kwibaka, kusuula, na kubamba Mashibo a Bufumu na a bikongeno. Byabya, kufuba pamune na Yehowa nyi mmwabi ukata mwanda nyi ngumune wa ku mifubo yeetu iselele.​—Mis 127:1; Bif 7:15.

TWI KUKWASHA NSAA . . .

• 

  Y’atulekye bintu byooso bilumbuule kunyima kwa bisangilo byooso. Su takwi mushindo okite mupunda bukome boobe bwashi, olekye mbalo ikwifunyishe selele.

• 

  Y’atufiki mu kusuula Nshibo ya Bufumu misango yooso na kwiyilumbuula. Nkunde ya bangi ayibobaa na mata.​—lv 92-93 ¶18.

• 

  Y’atutuusha makuta bwa kukwatshisheena. Byabya, kutuusha kya buntu kya ‘bitshele bibidi bishii na kinêmo ki kapu’ n’eshimba dimune akusankisha Yehowa.​—Mak 12:41-44, EEM.

• 

  Yatukwasha mu kwibaka na kwibakuula mashibo atale myanda ya Bufumu su we na mushindo wa kwibikita. Bwashi ofikye mu kukwasha ku lwibako, t’abitungu nka’shi wekale mwiukye kwibaka nya.