Mikanda yatudi bafubishe mu Programe a bisangilo bya Bwina Kidishitu na mudimo wetu
LUBIMGO LWA 6-12/5/2019
BUPETA BWA MWIYI DY’EFILE MUKULU | 2 BEENA-KODINDA 4-6
“Tatubofulanga ku mashimba”
w04-F 15/8 25 ¶16-17
Bakokye anka bashi bakutwe bukome
16 Bina muulo ukata bwa kulama bukome bwetu bwa mu kikudi. Su atulama kipwano kyetu na Yehowa Efile Mukulu, twi balombene kukooka ku mbidi, anka tatwi bya kuleka kumulangwila nya. Yehowa nyi “apa bapungile bukome, na babofule eebapa kunyinga.” (Yeeshaya 40:28, 29) Mpoolo mutumibwa badi mumone’shi ano mayi nga binyibinyi, bafundile’shi: “Ngi mwanda kinyi tatubofulanga ku mashimba nya, dingi sunga mbidi yeetu ya bu muntu yenda na kubutuka ku kapeela kapeela, muuwa wetu wa munda awikituula kwifuku n’efuku.”—2 Kodinda 4:16.
17 Banda kutala kishima “kwifu n’efuku.” Akikyebe kulesha shi tukwete kupete bukwashi bwa Yehowa efuku dyoso. Mungi mukwetu mukashi missionnaire badi mufube bipwa 43 na lulamato kwi mafuku abadi abofula ku mbidi na kwishimba. Anka tabadi mwilekyele nya. Amba shi: “Nadi mwate mpango ya kubuka pa kafito bwa’shi kumpala kwa kubanga mudimo oso, mbande kwata nsaa ya kuteka Yehowa na kubadika Eyi dyaye. Kwikala na kino kyubishi nkukwashe bwa kunyingiila mpa na binobino.” Twi balombene kukulupila mu bukwashi bwa Yehowa su tukwete kumuteka “efuku dyoso” na kunangushena ku ngikashi yaye na ku milayilo yaaye.
it-1-F 759-760
Kunyingiila
Bi na muulo ukata kupela kushimisha mu binangu su nkapeela lukulupilo lwetu lwa kwikala na muwa wa ikalaika kushii milwisho. Sunga kwipayibwa ku maasa kwa beshikwanyi netu ta nkulombene kushimisha luno lukulupilo nya. (Lom 5:4, 5; 1Tes 1:3; Kibaf 2:10) Makyenga a kano kabidi taekala bu kintu su atwiapwandjikisha na kulombana kwa luno lukulupilo lwetu lukile bukata nya. (Lom 8:18-25) Bwa muntu e na lukulupilo lwa muwa wa ikalaika, sunga ekala mu makyenga e bungi kano kabidi, aamweneka bu ‘apeela dingi a mafuku apeela.’ (2Kod 4:16-18) Muntu atentekyesha’shi makyenga a kano kabidi nga kapindji kapeela na kulamata ku lukulupilo lwetu, ta mmulombene kukooka na ekushala na lulamato kwi Yehowa.
Kukimbuula bwa kupeta mabwe a muulo a mu kikudi
w12-F 1/2 28-29
“Sankisha eshimba dya Yehowa”
David Splane a mu Kasaka ka Bakunkushi-Bakulu badi mutaluule kino Kifundwe kya mutwe wa mwanda. (2 Kod. 4:7) Bupeta nkinyi? Nkiukilo su nkinangu? Sha mwisambo balulwile’shi “Nya,” “bupeta abwakwila Mpoolo mutumibwa nyi ‘nguno mufubo’ wa kulungula bya binyibinyi.’” (2 Kod. 4:1, 2, 5) Mukwetu Splane badi mutentekyeshe balongi ba ku kalasa shi, myeshi itano yabadi bakishe mu kulonga mbwa kwibalumbula bwa mudimo wa pa bwao mu bulungudi. Bena kya kwata uno mudimo na muulo wi bukopo.
Sha mwisambo badi mupatuule’shi “bipulu bia nsenga” nyi mbidi yetu. Badi mupwandikishe bipulu bya nsenga na bipulu bya oolo. Bipulu bya oolo tabakambaa kwi bifubisha nya. Anka bipulu bya nsenga mbebikite bwa kufumbanga na byo ngofu. Su tubeele bupeta mu bipulu bya oolo, atutumu binangu bya bantu mu kutaala bipulu kadi kushi kukamba kutala bupeta bwi mwanka. Mukwetu Splane bambile’shi: “Anwe balongi tanukakanga binangu bya bantu kwanudi anwe banabene. Bu byanudi ba missionnaire, abitungu nu kunkushe bantu kwi Yehowa. Nwi bipulu bya nsenga.”
w09-F 15/11 21 ¶7
Tungunuka na kutamisha kifulo kya bu bana na bana
7 Kadi bwetu namu? Mbikunyi byatudi balombene “kushitula mashimba etu” mu kulesha kifulo kya bu bana na bana? Bantu ba bipwa bimune na ba kabila kamune abakimbaa kwikala pamune. Sunga baba bakumine maasha amune abakibaa kukisha nsaa pamune. Kadi su myanda ayitusankisha ayitwabuula na bakwetu bena Kidishitu, abitungu “kushitula mashimba eetu.” Abikala buwa su tweyipusha shi: ‘Natukaa mu bulungudi sunga kukisha nsaa na bakwetu balume na bakashi bashii munkatshi mwa ba kuuku bande ba p’eshimba su? Ku Nshibo ya Bufumu, nakambaa kwisamba nka na bantu bapya bwa kukimba kwikala nabo bu kuuku su? Nayimunaa bantu boso byabekala banunu sunga bana bakinga?
LUBINGO LWA 13-19/5/2019
BUPETA BWA MWIYI DY’EFILE MUKULU | 2 BEENA-KODINDA 7-10
“Mudimo wetu wa kukwasha bantu bapete masaku”
w98-F 1/11 25 ¶1
“Efile Mukulu mmufule apaanaa na mulòo”
Kya kumpala, Mpoolo balungwile bena Kodinda pabitale bena Masedwa abadi kileshesho ki buwa mu kwitatshisha bwa kukwasha bangi. Nyi bwakinyi Mpoolo bafundjile shi: “Munkatshi mwa mpombo ibungi ibaadi ibamweshe, muloo wabo ufiime na bulanda bwabo bukile bukata mbibafumbwile myabi ikile bungi.” Beena Masedwane tababadi bebakitshishe pa bukopo nya. Mu kwilekena na byabya Mpoolo bambile shi: “Abanyiisha kwituteka bw’abo kwipaana mu uno mufubo wa kutuusha bintu bya kukwasha nabyo bantu.” Muloo wa kupaana wa beena Masedwane awitukaanyisha nsaa yatutala’shi abo banabeene babadi mu ‘bulanda bukile bukata.’—2 Kod. 8:2-4.
Mudimo wa kukwasha bantu bapete masaku
TWI pepi mu kipwa kya 46 kunyima kwa Yesu Kidishitu (B.B.), na Yuudeya e mu nsala i bukopo. Balongi ba Kidishitu beena Yuuda abaadi mwanka tabe na mushindo wa kuula bidibwa mwanda mbipeela na bi muulo ukile bukopo. Be na nsala ikile bukopo. Anka binobino abakyebe kumona bulami bwa mboko ya Yehowa mu mushindo ushibaadi mulongi su ngumune a Kidishitu mumone kala. Nkinyi akikyebe kukitshika?
Mudimo wa kukwasha bantu bapete masaku
4 Mu mukanda waaye ubaadi mufundjile beena Kodinto, Mpoolo baadi mupatuule shi beena Kidishitu be na midimo ibidi. Sunga byekala shi mukanda wa Mpoolo baadi mwiufundjile penda beena Kidishitu bedibwe mwimu, lelo uno mayi aaye ngatale mpa na “ingi mikooko.” (Yo. 10:16) Kipindji kimune kya ku mudimo wetu nyi “mudimo wa kulombasheena,” bino mbitale, mudimo wetu wa bulungudi na wa kulongyesha. (2 Kod. 5:18-20; 1 Tim. 2:3-6) Kingi kipindji nkitale mudimo watukwete kukitshina beena Kidishitu netu. Mpoolo baadi akula bikishekishe pabitale “mufubo wa kutuusha bintu bya kukwasha nabyo.” (2 Kod. 8:4) Bishima “mufubo wa kulombasheena” na “mufubo wa kutuusha bintu bya kukwasha nabyo,” byooso abituukila ku kishima kya mu ki na Greke kyabetamina bu di·a·ko·niʹa. Bwakinyi kipatulwilo kyakyo ki na muulo?
5 Nsaa ibaadi muteemune kishima kimune bwa ino midimo yooso, Mpoolo baadi mubungye mudimo wa kukwasha bantu be mu masaku na ungi mudimo ubaadi aukitshika mu kakongye ka beena Kidishitu. Ku mbangilo baadi muleshe shi: “Mifubo ngilekeene, anka Mwanana afubilwa ngumune; nfubilo ngiilekeene, . . . Anka byabya byooso nkikudi kimune’nka akibitushaa.” (1 Kod. 12:4-6, 11) Byabya, Mpoolo baadi apwandikisha midimo ya beena kakongye na “mudimo wiselele.” (Lom. 12:1, 6-8, NW) Kushi mpaka, baadi mupushe shi bibaadi buuwa bwadya kukisha nsaa yaaye mu “kufubila bantu beselele”!—Lom. 15:25, 26, NW.
6 Mpoolo baadi mukwashe beena Kodinto bwabadya kumona shi mudimo wa kukwasha bantu be mu masaku wi na muulo mu mudimo wabo na lulangwilo lwabo lwa Yehowa. Pusha bibaadi binangu byaaye: Beena Kidishitu abatuusha bukwashi abakitshi byabya mwanda bakwete “kukookyela . . . ku mukandu wibuwa wa Kidishitu.” (2 Kod. 9:13) Byabya, pa mwanda wa lukalo lwabo lwa kulonda malongyesha a Kidishitu, beena Kidishitu bakwete kukwasha bakwabo. Mpoolo alesha shi, myanda yabakwete kukitshina bakwabo, ayilesha binyibinyi “mwabi ukata . . . w’Efile Mukulu.” (2 Kod. 9:14; 1 Mp. 4:10) Kitenta kya Mulami kya mu 1/12/1975 kibaadi kyakule bino pabitale mudimo wa kukwasha bakwetu bakwete kukyenga, mpa na, mudimo wa kukwasha bantu bapete masaku shi: “Atushinkamisha binyibinyi shi, Yehowa Efile Mukulu na Mwan’aaye Yesu Kidishitu abateyaa uno mudimo na muulo ukata.” Eyendo, mudimo wa kukwasha bantu bapete masaku ngumune wa ku midimo iselele.—Lom. 12:1, 7; 2 Kod. 8:7; Eb. 13:16.
Mushindo watupetaa makuta a kukita midimo ya Bufumu
10 Wa kumpala, atwitushilaa bya buntu mwanda twi bafule Yehowa na atukumina kukita “kimulongamine.” (1 Yo. 3:22) Yehowa asangelaa mulangwidi atuusha kya buntu n’eshimba dyaaye dyooso. Tubande kutala bishima bya Mpoolo mutumibwa bibakwile pabitale byabuntu abituusha mwina Kidishitu. (Badika 2 Beena-Kodinda 9:7.) Mwina Kidishitu a binyibinyi t’ekakaa sunga kukitshishwa pa bukopo bwa kutuusha kya buntu nya. Anka atushaa muyiile “kitshibilo kya mwishimba dyaaye” kya kukita byabya. Abilesha shi atuusha kunyima kwaaye kutala bi lukalo na mushindo wadya kwilupudisha. Yehowa mukumiine muntu e byabya, mwanda “Efile Mukulu mmufule [muntu] apanaa na muloo.” Mu ungi Bible mbafunde shi: “Efile Mukulu mmufule muntu atuusha na kifulo.”
Kukimbuula bwa kupeta mabwe a muulo a mu kikudi
Fubishwa na kya ‘Buntu ky’Efile Mukulu kishii bya kupwandjikishwa’
2 Mpoolo baadi auku’shi mulambu wa Yesu nyi wikale kishinkamiisho kya’shi milayilo yooso y’Efile Mukulu ayikalombana. (Badika 2 Beena-Kodinda 1:20.) Bino abileesha’shi mu kyakya “kya buntu [ky’Efile Mukulu] ki bukata bushya kupwandjikishwa” mwi mulambu wa Yesu na myanda yooso ibuwa na kifulo ki na bulamate akituleesha Yehowa. Kyakya kya buntu ki bukata bwatushi bya kupwandikisha kalolo. Twi kupusha naminyi bwa kino kya buntu? Kino kya buntu ki kwitutakula bwa kukita kinyi patwilumbuula bwa Kitentekyesho kya lufu lwa Kidishitu akiikala mu dya Kasatu 23/3/2016?
g99-F 8/7 20-21
Bi bubi kwitumbisha su?
Mu Bifundwe bya kiina Greke bya bena Kidishitu, kishima kau·khaʹo·mai kyabadi baluule bu “kwitumbisha, kwikala na muloo, nfiedi, “ abebifubishaa mu mushindo wibuwa sunga wibubi. Bu kileshesho Mpoolo bambile shi: “atwitumbiisha mu lukulupilo lwa ntumbo y’Efile Mukulu.” Bambile dingi nshi: “Akyebe kwitumbiisha, eetumbiishe mwi Yehowa.” (Lom. 5:2; 2 Kod. 10:17) Bino abilesha kwitumbisha mwi Yehowa Efile Mukulu eetu, kwikala na nfiedi ya kutumbisha eshina dyaye na nkumo yaye.
LUBINGO LWA 20-26/5/2019
BUPETA BWA MWIYI DY’EFILE MUKULU | 2 BEENA-KODINDA 11-13
“Mpoolo badi na ‘mulobo mu mbidi’”
w08-F 15/6 3-4
Munyingye sunga mbyadi mu kubofula
Ungi mufubi a Yehowa sha lulamato bamutekyele bwa’shi akatushe ‘mulobo wi mu mbidi,’ nyi ndukalakashi lushibadi alupu. Mpoolo mutumibwa badi mwiyayile Efile Mukulu misango isatu bwashi akatushe luno lukalakashi. Sunga lwekala lwi naminyi, anka bi mulobo utungye mu mbidi, lubadi lukumbene kumukutshishwa muloo wa kufubila Yehowa. Mpoolo badi mwilupwandikishe na kukupilwa kusha’kupu. Yehowa nkumwalula’shi: “Buntu bwande mbukulombeene; bukome bwande abwileesha mu kubofula.” Yehowa tabadi mukatushe uno mulobo wi mu mbidi. Mpoolo badi na kya kwilunyingiila, anka akumbasha’shi: “Pandji mubofule, paapa ngi pandji na bukome.” (2 Kod. 12:7-10) Bino abipushisha kinyi?
w06-F 15/12 24 ¶17-18
Yehowa apa “baaba boso abamutekye Kikudi ki selele”
17 Ku luteko lwa Mpoolo, Efile Mukulu ba mwalulwile shi: “Buntu bwande mbukulombeene; bukome bwande abwileesha mu kubofula.” Mpoolo bambile’shi: “Ngi mwanda kinyi naatuulu kwitumbisha kwande mu kubofula, bwa’shi bukome bwa Kidishitu bufikye mwandji.” (2 Kod. 12:9; Mis 147:5) Byabya, Mpoolo badi mumone shi, ku bukwashi bwa Kidishitu, bukome bwa ku kalwila bw’Efile Mukulu bubadi bumubwikiile bu kashibo k’epema. Lelo uno, Yehowa kwete kwaluula nteko yetu mu wawa mushindo. Kukalwila kwaye ekubwikila bafubi baaye nka bu kashibo k’epema.
18 Mu kwakula kwa kalolo, kashibo k’epema takakutshishwa mpeshi kunoka sunga kipaapi kupuka, kadi akakalwilaa ku bino bintu. Mu mushindo umune, kifwamino kyatudi nakyo ku bukwashi bwa “bukome bwa Kidishitu” takikutshishwa bitompwanga sunga malwa bwa’shi etufikile. Anka abwitukalwila mu kikudi ku myanda i bubi ya uno ndumbulwilo na ku bulwishi bwa Satana mukunkushi aye. (Kibaf. 7:9, 15, 16) Byabya, sunga okwete kunyingiila lukalakashi ‘lushalupu,’ shinkamisha’shi Yehowa kwete kumona ngoshi yokwete kulwa na akwalula ku “musase” obe. (Yesh. 30:19; 2 Kod. 1:3, 4) Mpoolo bafundile shi: “Efile Mukulu nga kishima, shakakumiina’shi nutompiibwe kukila bukome bwenu, anka ku kutompiibwa akalumbuula nfudilo [aako] bianudia kumona bia kwikukambila.”—1 Kod. 10:13; Fid. 4:6, 7.
“Apa bapungile bukome”
8 Badika Yeeshaya 40:30. Twi kwikala na kapatupatu ka kukita myanda ibungi, kadi twakutwa ngobesha ya kwiyikita mu bukome bwetu’twe banabene. Dino ngi dilongyesha dikata aditungu tuukye boso bwetu. Mpoolo mutumibwa badi na kapatupatu ka kukita myanda ibungi, anka tabadi mulombene kukita myanda yoso ibadi akumina kukita nya. Pabalungwile Yehowa bibadi apusha, Yehowa bamulungwile’shi: “Bukome bwande abwileesha mu kubofula.” Mpoolo bapushishe bino bibabamulungwile kwi Yehowa. Ngi bwakinyi bambile’shi: “Pandi mubofule, papa ngi pandi na bukome.” (2 Beena-Kodinda 12:7-10) Badi akyebe kwamba naminyi?
9 Mpoolo bamwene’shi badi mulobele mu myanda ibadi mulombene kukita aye nabene. Badi na lukalo lwa bukwashi bwa ungi muntu e na bukome bukile bwaye. Kikudi ki selele ky’Efile Mukulu kibadi akipa Mpoolo bukome mu nsaa ibadi mubofule. Kibadi kilombene kukita ingi myanda ibungi. Kikudi ky’Efile Mukulu kibadi kipe Mpoolo bukome bwa kukita myanda yashibadi mulombene kukita mu bukome bwaye’ye nabene. Ino myanda imune ngilombene kwitukitshikila mpa na’twe. Su Yehowa betupa kikudi kyaye ki selele, atukanyisha kwikala banyingye binyibinyi!
Kukimbuula bwa kupeta mabwe a muulo a mu kikudi
Nkonko ya bantu ababadikaa
“Eyilu dya kasatu” di mu 2 Beena-Kodinda 12:2 nyi Mbufumu bwa Mesiya bwi ku masa a Yesu Kidishitu na bantu 144 000, “eyilu dipya.”—2 Mpyeele 3:13.
Nyi “eyilu dya kasatu” mwanda Bufumu bwi kunundu kwa byoso, bukunkushi bukamine.
“Mpaladiiso” mubabadi “basemune” Mpoolo mu kimonwa mmutale (1) Mpaladiiso amweka na meso ekala pa nsenga, (2) mpaladiiso a mu kikudi akekala kwanka, ayikala mukata kukila mpaladiiso a mu kikudi e kwanka binobino, na (3) “mpaladiiso a Efile Mukulu” mwiyilu akekala kwanka pamune na nsenga ipya.
it-2-F 753
Kwififiena ku milomo
“Kwififiena ku milomo kwi selele.” Munkatshi mwa bena Kidishitu ba kumpala mubadi kipikwa kya “kwififiena ku milomo kwi selele” (Lom 16:16; 1Kod 16:20; 2Kod 13:12; 1Tes 5:26) sunga “kwififiena kwa kifulo” (1Mp 5:14), kubadi akukitshika pangi kushi penda kwi bana balume banabeene sunga bana bakashi banabeene. Uno mushindo wa kwiyimushena wa bena Kidishitu ba kumpala ubadi mu kupwishena pangi na kipikwa kya kala kya bena Ebelu kya kwififiena bwa kwiyimushena. Sunga byekala’shi Bifundwe t’abipatuula ingi myanda, abimweneka’shi “kwififiena ku milomo kwi selele” sunga “kwififiena kwa kifulo” kubadi akulesha kifulo kiselele na buumune bubadi mu kakongye ka bena Kidishitu.—Yo 13:34, 35.
LUBINGO LWA 27/5/2019–2/6/2019
BUPETA BWA MWIYI DY’EFILE MUKULU | BEENA-GALATEA 1-3
“Naadi mumukalasheene patooka”
We na binangu bu bya Yehowa pabitale kululama su?
16 Badika Beena-Ngalatea 2:11-14. Mpyeele badi na moo wa bantu. (Nkindji 29:25) Na dingi badi auku bi binangu bya Yehowa pabitale bantu bashii bena Yuuda. Akupu, badi atshinyi’shi tala bena Kidishitu basadibwe abadi abafiki ku Yeelusaleme bamwata na muulo upeela bu byadi mushale pamune na bena Kidishitu bashii bena Yuuda. Mpoolo mutumibwa balungwile Mpyeele’shi kwete kukita bu nsesa. Bwakinyi? Mwanda Mpoolo badi mupushe Mpyeele kw’akwila bantu bashii bena Yuuda mu kisangilo kya mu Yeelusaleme mu kipwa kya 49. (Bikitshino 15:12; Beena-Ngalatea 2:13) Bena Kidishitu bashii bena Yuuda bababadi bakwile kwi Mpyeele abakitshine naminyi? Uno mwanda ubadi wibakokoshe su? Mpyeele bashimishe mashito aaye pa mwanda wa kilubilo kyaye su?
w13-F 15/3 5 ¶12
“Ta kwi kikokoshi” bwa baaba bafule Yehowa nya
12 Sunga byekala shi Mpyeele badi mukwatshibwe na moo wa bantu aye nkukokola mu kipaso kibubi, badi mushale na lulamato kwi Yesu na kwi Yehowa. Bu kileshesho, badi mutune Nfumwaye kushii penda musango umune nya, kadi misango isatu. (Luk 22:54-62) Kunyima Mpyeele bakutshilwe kukita myanda bu mwina Kidishitu p’aye kutuna bena kukumiina ba bingi bisamba mwanda tababadi mu kipaso kimune na bena Kidishitu bena Yuuda basadiibwe. Anka, Mpoolo mutumibwa badi mwakule mwanda patooka shi takwi kwiabulushena kwa bisaka mu kakongye nya. Mpyeele badi na mweneno e bubi. Kumpala kwa’shi mwikeelo waye ulwishe buumune bwa kakongye, Mpoolo badi mumulangye musango umune patooka. (Nga. 2:11-14) Kwitatula kwa Mpyeele kubadi kumukokoshe bwa kuleka kusuuka lubilo lwa kupeta muuwa su? Nya. Badi mupushe elango dya Mpoolo, aye nkwiditumikila bwa kutungunuka na kusuuka.
Kukimbuula bwa kupeta mabwe a muulo a mu kikudi
Fubila Efile Mukulu na bulamate sunga mu “mpombo ibungi”
20 Twi kwakula kinyi bwa bulwishi bufwame? Bu kileshesho, mushindo kinyi watudi balombene kukambila binangu bya kubofula? Mushindo umune ukile buwa wa kukita byabya nyi nkunangushena pa mulambu wa nkuulo. Ndjo bibaadi Mpoolo mukite. Ingi nsaa, baadi mwipushe bu—muntu a malwa. Anka baadi ashinguula shi Kidishitu bafwile, kushi bwa bantu bapwidikye, kadi bwa bantu babi. Na Mpoolo baadi umune a munkatshi mwa bano bantu babi. Kushi mpaka, baadi mufunde shi: “Mwanda muwa wandi nawo mu mbidi yande ne nawo bwa lukumiino lwande mwi mwan’Efile Mukulu munfule aye mwipane bwa mwanda wande.” (Nga. 2:20) Oolo, Mpoolo baadi mukumiine nkuulo. Baadi mushinguule shi uno mulambu ngumutale bupenka bwaye.
21 Uno mweneno umune—a kumona mulambu wa nkuulo bu kyabuntu kyoobe kikupe Yehowa—mmukumbene nkukwasha ngofu. Bino tabilesha shi kubofushibwa akukyebe kupwa musango umune nya. Bangi mbalombene kukambila bulwishi bufwame nsaa na nsaa mpa nka na mu ndumbulwilo mupya. Kadi tentekyesha shi: bwedi abebupa baaba abatungunuka na kunyingiila. Tubapu kwisesela pepi ngofu n’efuku dikata adikyebe Bufumu Bw’Efile Mukulu kufwisha kufukama na kufwisha bantu booso basha bulamate ku kupwidika. Byabya twikaleyi na kitshibilo kya kutwela mu bwabwa Bufumu—sunga mu mpombo ibungi.
it-1-F 940
Mukanda kwi Beena-Ngalatea
Kwidila kwa Mpoolo shi: ‘Beena-Ngalatea bapatakane,’ t’akulesha shi badi esambila penda bantu ba kabila kampanda ka bantu ba ku Gaule abadi kunundu kwa nsenga ya bena Ngalatea. (Nga 3:1) Anka, Mpoolo badi asaashila bangi bena kakongye abadi abalekyeela bukitshishi bwa bwina Yuuda abadi munkatshi mwabo, kwi bena Yuuda abadi abakimbi kutula wabo mwiya ku bukwashi bwa mwiya wa Moyiise, pa mbalo ya ‘bululame pa mwanda wa lukumino’ bibadi abitukila ku kilombeno kipya. (2:15–3:14; 4:9, 10) Muyile bisamba, “kakongye ka Beena-Ngalatea” (1:2) kababadi bafundjile kwi Mpoolo kabadi na bena Yuuda na bashi bena Yuuda, munkatshi mwabo mubadi bena Yuuda basadiibwe na bantu ba bingi bisamba bashi basadiibwe, mubadi mpa na bena celtique. (Bik 13:14, 43; 16:1; Nga 5:2) Boso abebetamina bu bena Kidishitu bena Ngalatea, mwanda mbalo ibabadi bashale abadi abeyitanyina bu Ngalatea. Myanda i mu mukanda wa Mpoolo ayilesha’shi badi mwiukye bantu babadi afundjila ba kuushi kwa kibundji kya Looma, kushi bantu ba kunundu kwa Looma bashibadi euku, mwanda abimweneka shi tabadi mwende kwanka nya.