Peta bukwashi bwibungi mu kwilongyela kobe

BWAKINYI BINA MUULO: Kwilongyela kw’Eyi dy’Efile Mukulu kukwete kwitukwasha “bwa kushingula . . . bii bwipi, bukata, bula, bwa mwyilu na bwa muushi” bwa bya binyibinyi. (Ef 3:18) Akwitukwasha dingi bwa kushala bantu bashi matope, bashi kalema mu uno ndumbulwilo ebubi na kushala “bakwate kwiyi dya muwa.” (Fid 2:15, 16) Kwilongyela Eyi dy’Efile Mukulu a kwitukwasha bwa kusangula bintu byatudi nabyo lukalo. Twibalombene kukita kinyi bwa kupeta nsaa ibungi ya kwilongyela Bible?

BYA KWIBIKITA:

• Shimatshila pa ma verse na kufunda byokwete kwilongyela, kwisaki sunga mu kamo

• Eyipushe ino nkonko p’obadika Eyi dy’Efile Mukulu: ‘Nanyi? Kinyi? Nsaa kinyi? Nkunyi? Bwakinyi? Mushindo kinyi?’

• Kimbuula ngofu. Ku bukwashi bwa bintu bya kukimbuula nabyo bi kwanka, kimba ku bukwashi bwa mutwe wa mwanda sunga verse a mu Bible

• Nangushena pa byobadika bwa kumona bya kwibitumikila

• Tumikila byolongo efuku dyoso.—Luk 6:47, 48

TALA VIDEO AMBA’SHI: “KWATSHIILA NGOFU”—KU BUKWASHI BWA KWILONGYELA, AKUPU WALUULE INO NKONKO AYILONDO:

• Bangi bantu abamonaa kulonga kwa Bible bu kinyi?

• Bwakinyi abitungu kusambila kumpala kwa kubanga kwilongyela Bible?

• Nkinyi kikumbene kwitukwasha bwa kupusha kalolo kifundwe kya mu Bible?

• Bitundwilo kinyi byatwelaa mu Bible etu a kwilongyela?

• Bwakinyi kunangushena kwi na muulo nsaa y’olongo Eyi dy’Efile Mukulu?

• Nkinyi akitungu’shi tukite na byabya byatulongo?