Kulonga Bible na Tumonyi tua Yehowa akukitshikaa naminyi?
Tumonyi tua Yehowa tui namushindo ukile buwa wa kulonga malongiesha a mu Bible. Programe etu a kulonga mmulombene nkukuasha bua:
Kuikala na muloo mu nshalelo
Kufika kuukua a Efile Mukulu
Kulonga milayilo ya Bible bua mafuku aafiki
Mu dino esaki opete ino mianda:
Su nakumiina kulonga, abankitshisha pa bukopo bua kufika Kamonyi ka Yehowa su?
Kadi su naadi nalongo Bible na Tumonyi tua Yehowa kala? Ne kulonga dingi su?
Kulonga kua Bible akukitshikaa naminyi?
Muntu akulongiesha bupenka boobe akukuasha bodia kuiubidishena na muisambo oso wa mu Bible. Kulonga kua Bible na muntu anuisamba naaye mu mukanda wa We kuikala na muloo bua loso! Wende na kulonda mukandu wi mu Bible na mushindo waudia nkukuasha. Bua kulonga bibungi tala uno video.
Abitungu nfute makuta bua kulonga su?
Nya. Tumonyi tua Yehowa atulondaa mayi abaadi Yesu muakule aamba’shi: “Nubapetele buntu, nupeshene buntu.” (Mateo 10:8) Dingi, bintu bia kulonga nabio toulu bianka nya, mu biabia bintu mui Bible na mukanda wi na mutue wa muanda awamba’shi: We kuikala na muloo bua loso!
Kulonga akuata mafuku bungi kinyi?
Kui malongiesha 60 a kulonda. Obe namuinyi nyi asangula mushindo wa kulonga, anka balongi bebungi abakumiinaa kupudisha dilongiesha dimune sunga ebungi ku lubingo.
Ne kukita naminyi bua kubanga kulonga?
1. Uusha esaki di ku Internete. Atufubisha mianda yobe bupenka penda bua kulombasha luteko lobe bua’shi Kamonyi ka Yehowa kakukimbe.
2. Muntu a kukulongiesha akuitamina. Yawa akulongiesha akiebe kukupatuluila mianda y’opete mu kulonga kua Bible na akiebe kualuula ku nkonko yodi mulombene kuela.
3. Obe na muntu alongo noobe anuata mpango ya kubanga kulonga. Nui kulonga bashale pa mbalo imune sunga ku telefone, kuiyitamishena anuimonena ku video, ku mesaje, sunga kuifundishena ku Internete. Kipindi kia kulonga akiataa nsaa umune, anka nkilombene kuikala kiipi sunga kila bua kunemeka programe oobe.
Ne kubanda kutompa bia kulonga su?
Olo. Bua kuibikita, usha esaki ku Internete. Su muntu a kukulongiesha bakuitamina, mulungule’shi okumiina kutompa kulonga bua kumona su bi nkusankisha. Aye mmulombene kufubisha broshire a We kuikala na muloo bua loso! e na malongiesha asatu a mbangilo, bilombene nkukuasha bua kumona su kulonga akukusankisha.
Su nakumiina kulonga, abankitshisha pa bukopo bua kufika Kamonyi ka Yehowa su?
Nya. Tumonyi tua Yehowa atukuminaa kulongiesha bantu Bible, anka t’atukitshishaa muntu pa bukopo buadia kutuela mu kipuilo kietu nya. Anka, na kanemo koso atuleshaa bantu abiamba Bible, bashinguule’shi muntu na muntu oso e na matalua akuisanguila kiadia kukumiina.—1 Mpiele 3:15.
Ne kubadika mu Bible ande su?
Olo, we kubadika Bible oso okumiina. Sunga atubadikaa Bible a Ngaluilo a nsenga ipia mupeelepeele na apushika kalolo, atushinguula’shi bantu bebungi abakumiinaa kubadika mu Bible abadi beubidishene naye.
Ne kuteka bangi buabadia kupetekielua p’atulongo su?
Olo. We kubunga kifuko kiobe kishima sunga ba kuuku bokumiina kuitamina.
Kadi su naadi nalongo Bible na Tumonyi tua Yehowa kala? Ne kulonga dingi su?
Olo. Eyendo’shi, we mulombene kusangeela mayele etu apia a kulonga Bible kukila a kumpala muanda mbeashintuule bua’shi epushene na nkalo ya bantu kano kabidi. E buwa, anuisamba na muntu kukila biatubaadi atulongo na bantu Bible kumpala.
Nui na mushindo wa kulonga Bible kushi na mulongieshi su?
Olo. Sunga balongi bebungi abalongaa kalolo pabadi na muntu ebalongiesha, bangi abakumiinaa kubanga kulonga bupenka buabo. Esaki adiamba’shi outils d’étude de la Bible di na bintu bietu bia kulonga nabio Bible, ndilombene nkukuasha nsaa yuelongiela Bible. Tala bintu biodi mulombene kupeta:
Ma video a mu Bible. Tuno tu video tuipi atupatuula malongiesha a mu Bible e na muulo.
Ngaluulo ya ku nkonko ya mu Bible. Ino miisambo ayaluula ku nkonko ibungi ya mu Bible.
Ma verse a mu Bible abadi bapatuule. Peta kipatuluilo kia ma verse a mu Bible na bishima bia mu Bible.