Bia kufubisha ma video aatakula bantu mu kulonga Bible

Tui na video inanka ayitakula bantu mu kulonga Bible, yatudia kufubisha mu bulungudi. Video oso mbamukite bua kabingilo kinyi?

• 

  Bwakinyi abitungu kulonga Bible?—Video mushima abaadi bamukite bua kukaka binangu bia muntu ku Bible sunga yawa muntu ekala a mu kipuilo kinyi. Anyingisha abamutala buabadia kukimba ngaluulo ina muulo ya mu nshalelo mu Bible, na ebapa ngaluulo ipelepele ayipushika, imuanka. Apatuula bia kuteka kulonga Bible.

• 

  Bwakinyi abitungu kulonga Bible? (kapindi ka video) emumune na video mushima, anka uno mmuipi. Mulombene kukuasha mu terituare e bantu bashi na nsaa ibungi ya kuisamba.

• 

  Kulonga kwa Bible akukitshikaa naminyi? abaadi bamukite bua kupa bantu malaka a kulonga Bible buntu, na aluula ingi nkonko pabitale kulonga Bible, mpa na bia kuteka kulonga Bible.

• 

  Kufika kuibuwa mu kulonga kobe kua Bible abaadi bamukite bua kumulesha balongi ba Bible. Sunga biabidi’shi uno video mbamulesha muisaki dia kabidi dia mukanda wa We kuikala na muloo bua loso! we kumulesha nsaa y’anulongo broshire a We kuikala na muloo bua loso! Video akuiila mianda i mu mukanda na kulesha mulongi mianda yakamono nsaa y’abalongo.

Sunga video oso mbamukite bua kabingilo kampanda, we kulesha oso a kuayidi sunga kumutumina muntu nsaa yomono’shi mbilombane. Atutekie balungudi buabadia kuiubidishena nayo na kuiyifubisha kalolo mu bulungudi.