Fubisha ma video bwa kulongyesha balongi bobe ba Bible

Bintu abimweka na meso abikakaa binangu bya bantu na kwibakwasha bwa kupusha na ku tentekyesha bi babalongo. Abadi bebifubishe kwi mulongyeshe etu mukata Yehowa, bwa kulongyesha mwanda wi na muulo. (Kib 15:5; Yel 18:1-6) Yesu Mulongyeshi Mukata badi’nyi mufubishe bintu abimweka na meso. (Mat 18:2-6; 22:19-21) Mushindo umune wa bintu abimweka ukwete kukwasha ngofu byatudi bapete bipwa bishale nyi ma video. Okwete kufubisha kalolo ma video p’okwete kulongyesha mulongi obe a Bible?

Kwi video ekumi alumbulwe bwa kwitukwasha nsaa yatulongo na muntu malongyesha a broshire a Mukandu wi buwa w’Efile Mukulu! Muyile byabidi, mutwe wa mwanda wa video ooso ngwipushene na ka mutwe ka mwanda ke na maleta afiita ngofu ke mu broshire. Broshire e mu site eetu e na ma mbalo a kufiitshina aetutwala pe video bwa kwitutentekyesha mbalo ya kulesha video ooso. Kukatusha byabya, kwi ma video e bungi oodi mulombene kulesha nsaa yokwete kulonga na muntu mikanda ilekene i mu Kashete keetu ka bina mudimo.

Okwe kwisamba na mulongi obe a Bible miisambo ya mu Bible yashapusha kalolo? Sunga shi mulongi obe e na nkalakashi kampanda? Kimba video mu jw.org na mu Televizion a JW mulombene kumukwasha. Pangi obe na mulongi obe nwi kutala video umune na kumwisambila.

Mweshi oso, akutukaa ma video apya. Pa nwiatala, nangushena byodi mulombene kwiafubisha nsaa yotala anka na bangi.