TULONGAMISHEYI MAYELE EETU MU MUDIMO WA BULUNGUDI​—Kufubisha ma video bwa kulongyeshah

BWAKINYI BI NA MUULO:

Ma video ngalombeene kukuma mashimba a bantu mwanda bakwete kumona na kupusha. Aakwasha bwa kukaka binangu byabo na bwashi balamiine myanda yabamono mafuku ebungi. Yehowa mmulekye kileshesho kibuwa kya kufubisha bintu abimweka bwa kulongyesha.—Bik 10:9-16; Kibaf 1:1.

Video a Efile Mukulu e n’eshina su?, a Bible mmukanda wa nanyi?, na a Twi kushinkamisha naminyi shi Bible mmukanda wa binyibinyi? Ikwete kukwatshishena dilongyesha 2 na 3 dya broshire a Mukandu wibuwa. Video a Bwakinyi abitungu kulonga Bible?, a Kulonga kwa Bible akukitshikaa naminyi?, na a Nkinyi akikitshikaa ku Nshibo ya Bufumu? Ayinyingisha bantu bwabadya kulonga netu Bible sunga kutwela mu bisangilo bya kakongye. Angi ma video eetu, we mulombeene dingi kwiafubisha bwa kulonga Bible na bantu.​—km-F 5/13 3.

BYA KWIBIKITA:

• Badila kwata ku Internete video okyebe kulesha muntu

• Lumbuula lukonko lumune sunga ibidi yabakaluula mu video

• Bandjilayi video pamune

• Esambileyi myanda ikata i mwanka

TOMPA KUKITA BINO:

• Tala kunyima kwa umune a ku ma trakte eetu, omuleshe kode amutwala mususa umune ku video a Bwakinyi abitungu kulonga Bible?

• Muleshe video a Twi kushinkamisha naminyi shi Bible mmukanda wa binyibinyi? Akupu omupe broshire a Mukandu wibuwa, nutaluule dilongyesha 3