NSHALELO A BWINA KIDISHITU

Mwikeelo wi selele na kanemo kakata abikakaa mwina dibaka ku bya binyibinyi

Misusa ibungi, mwikeelo wibuwa wa bakashi bena Kidishitu nyi aukwashaa balume babo bwa kukumina bya binyibinyi. Anka, bino mbilombene kuteka bwa’shi banyingiile nkalakashi munda mwa bipwa bibungi. (1Mp 2:21-23; 3:1, 2) Su bakwete nkukitshina myanda ya kukutwa kululama, tungunuka na kukita bibuwa bwa kukambila bubi. (Lom 12:21) Kileshesho kyobe kibuwa nkilombene kutusha bipeta bibuwa bishi bikumbene kutukila penda ku ngakwilo obe.

Tala myanda muyiile bi mweneno a mwina dibaka nobe. (Fid 2:3, 4) Lesha lusa na kwitula pa mbalo yaaye, na okite mobe mooso bwa kulombasha mashito obe kalolo. Ikala oteemesha kalolo. (Shak 1:19) Ikala na lwishinko, na oshinkamiishe mwina dibaka nobe’shi we mumufule. Sunga byekala’shi mwina dibaka nobe takulesha kalolo na kanemo ke mumune, we mulombeene kushaala na muloo pa kuuka’shi Yehowa aata lulamato loobe na muulo.—1Mp 2:19, 20.

TALA VIDEO AKULA SHI: YEHOWA ETUNYINGISHAA BWA KUTWALA MASHITO EETU, AKUPU WALUULE KU INO NKONKO AYILONDO:

Mukwetu Grace Li, badi na nshalelo e naminyi kumpala mu eyibakishi dyaye?
Nkinyi kibadi kimukakye ku bya binyibinyi bya mu Bible?
Mukwetu mukashi Grace badi munyingile nkalakashi kunyima kwa’ye kubatshishibwa naminyi?
Mukwetu mukashi Grace badi atekye kinyi bwa mulum’aye?
Mukwetu mukashi Grace mmupete myabi kinyi mwanda wa mwikeelo waye wiselele na kanemo kakata?

Mafoto e pamune: Myanda I mu video a ‘Yehowa etunyingisha bwa kutwala mashito etu,’ aalesha bikwete kwenda Grace Li kumpala. 1. Grace adidi mu museese. 2. Mukwetu mukashi kwete kulonga na Grace. 3. Grace na mwan’aye abakatuka mu mu restora bwa kwenda ku bisangilo. 4. Grace na bantu kitema ba mu kifuko kyaaye be ku Nshibo ya Bufumu — Mwikelo wi selele na kanemo kakata abikalaa na bukome bukata!