Mikanda yatudi bafubishe mu Programe a bisangilo bya Bwina Kidishitu na mudimo wetu
LUBINGO LWA 4-10/11/2019
BUPETA BWA MWIYI DY’EFILE MUKULU | 1 YOWANO 1-5
“Tanufulanga pano pa senga sunga bintu bi panka”
w05-F 1/1 10 ¶13
Tulondeyi kileshesho kitulekyele Yesu
13 Bangi bantu be kupwandikisha shi nta mbitu byoso bya pano pa senga bi bubi nya. Sunga mbyabya nsenga na lukuka lwayo lwi kukumba binangu byetu bwa kufubila Yehowa. Na ta kwi kintu sunga nkimune kya pano pa senga ki kwitwikasha peepi n’Efile Mukulu. Byabya, su tubatamisha kifulo kya bintu bya uno ndumbulwilo, sunga bino bishi bikambe bubi atwikala ba kwituula mu masaku. (1 Tim 6:9, 10) Kukatusha byabya, bintu bibungi mu nsenga bi bubi na bi kwitulubisha. Su atutala bintu sunga ma programe a ku TV e n’etombo, aalesha lwabi lwa bintu bya ku mbidi sunga myanda i butete, twi kubanga kwibimona bu bibuwa na bi kwitutuula mu kutompibwa. Su twesanga na bantu bepaane nka mu kukimba bya kulumbula shalelo aabo sunga kutula binangu byabo penda ku busunga, byabya bintu bi kufika na muulo ukata mpa na kwatudi namu.—Mat 6:24; 1 Kod 15:33.
We mulombeene kwikala muntu a kipaso kinyi?
18 Kingi kintu kilombeene kwitukwasha bwa kukambila “bintu bii-pano pa nsenga” nkutuula mu binangu ano mayi a Yowano abafundjile ku bukwashi bwa kikudi kiselele shi: ‘Byaa pano abikidi, abyo na malaka aabyo, anka yaawa akitshi akikyebe Efile Mukulu akeekala na muwa wa looso.’ (1 Yo. 2:17) Ndumbulwilo a Satana amweneka bu akyebe kupwa mafuku e bungi. Anka kwi efuku dyakyebe nkafudiila. Ndumbulwilo a Satana te na kintu kyadi mulombeene kwitupa bwa losoo nya. Kutentekyesha kwa uno mwanda akwitukwasha bwa kukambila bitompwanga bya Diabulu.
Kukimbuula bwa kupeta mabwe a muulo a mu kikudi
Ndambukisho ya Yehowa ngya kukulupila
14 Bifundwe bya kina Greke bi na ndambukisho ibungi ayitukwasha bwa kwifulena. Yesu bambile shi mwiya wa kabidi wi na muulo ukata aulesha shi, “ofule muntu-noobe buu’be nabeene.” (Mat. 22:39) Bi mumune, na bibambile Jaake mukwabo na Yesu shi, kifulo nyi “eyi dya bufumu.” (Ja. 2:8) Yowano mutumibwa bafundjile dingi shi: “Anwe bande ba kifulo kikata, ta mmwiya upya wanneenufundjila nya, anka nyi mmwiya wa kala, ubaanutambwile byatshiile ku mbangilo.” (1 Yo. 2:7, 8) Yowano pabaadi mwakule shi, “mwiya wa kala” baadi akula pabitale kinyi? Baadi akula pabitale mwiya wa kifulo. Ubaadi “wa kala” mwanda Yesu baadi mwiwele takubaadi kupwe kukila bipwa makumi, “byatshiile ku mbangilo.” Anka ubaadi dingi “upya” mwanda ubaadi autekye kwikala na kifulo kya kwipaana, balondji abaadi nakyo lukalo nsaa yabafumanka na nkalakasho. Lelo uno, twi na lutumbu mwanda twi bapete malango alombeene kwitukwasha bwa kupela kwikala na binangu bya uno ndumbulwilo bya kukimba penda buwa bwetu. Pamutwe pa kwikala na byabya binangu, twi na kifulo kya kwipaana.
it-2-F 491 ¶1
Kufwila lusa
Bibuwa kutekyela bangi lusa kwi Efile Mukulu, sunga kutekyela kakongye kashima. Moyise badi ebikitshi pabadi atekyela kisamba kya Isaleele pa kutonda milwisho yabo, na Yehowa badi amupushiisha. (Mb 14:19, 20) Dingi, Salomone batekyele Yehowa pa kufungula kwa ntempelo bwadya kufwila mwilo waye lusa ku bubi bubaudi ukite bwa’shi ulekye bikitshino byao bibubi. (1Bf 8:30, 33-40, 46-52) Esela badi mutonde patooka milwisho ya beena Yuda abadi bapalakane. Luteko lwaye alukatukila kwishimba lubadi lutakule bantu mu kwaluluka bwabadya kufwilwa lusa na Yehowa. (Esel 9:13–10:4, 10-19, 44) Shake badi munyingishe muntu e na malaadi a mu kikudi bwa kwitamina bakulu ba mu kakongye bwa’shi bamutekyele, na “su ee na milwisho yaadi mukite ayimulekyeelwa.” (Shak 5:14-16) Byabya, kwi “milwisho ayifishaa muntu ku lufu,” bu kulwishisha kikudi kiselele nkwikale mulwisho ushii bya kufwilwa lusa. Mwina Kidishitu nta mulombe kutekyela muntu akitshi uno mulwisho nya.—1Yo 5:16; Mat 12:31; Eb 10:26, 27; tala MULWISHO, I; KIKUDI.
LUBINGO LWA 11-17/11/2019
BUPETA BWA MWIYI DY’EFILE MUKULU | 2 YOWANO 1–YUNDA
“Abitungu twikitshishe bwa kushala mu bya binyibinyi”
w04-F 15/9 11-12 ¶8-9
“Tungunukayi na kupeta bukome mwi Mwanana”
8 T’atulubu binangu bya Satana nya, mwanda Bifundwe bikwete kwitulesha mayele aaye. (2 Kod. 2:11) Pabadi mutompe Yoobo, Satana badi mufubishe bulanda bwibukopo, lufu lwa bantu badi mufule, kubingwabingwa kwa kifuko kyaye, makyenga a ku mbidi na kwakudiibwa bibubi na ba kuku baye. Yoobo badi mukalakashwe bikata kwishimba, aye nkumona shi Efile Mukulu bamusumbushena. (Yob 10:1, 2) Sunga byekala shi Satana ta kwitufwishila makyenga musango umune lelo, e kufubisha ino myanda bwa kubofusha bakwetu bebungi.
9 Myanda ikwete kufisha masaku mu kikudi ikwete kwenda na kufiima mu ano mafuku a ku fundiilo. Twi mu ndumbulwilo kwete kwikalakasha bwa bintu bya ku mbidi kukila myanda ya mu kikudi. Myanda ya ku bisaashi na ku internete ikwete kulesha myanda ya masandji bu nsulo ya kwikala na muloo, kushii kulesha masaku aako. Nyi bwakinyi bantu bebungi ‘mbafule miloo ya mbidi kushii kukumiina Efile Mukulu.’ (2 Tim 3:1-5) Uno ngyelelo a binangu e kubofusha nkatshinkatshi eetu a myanda ya mu kikudi su tatwi ‘balwe ngoshi bwa lukumiino.’—Yunda 3.
Kukimbuula bwa kupeta mabwe a muulo a mu kikudi
w08-F 15/12 29 ¶10
Myanda ikata ya mu mukanda wa Yunda
Mbikunyi byatudi balombene kushaala mu kifulo ky’Efile Mukulu? Bwa kushaala mu kifulo ky’Efile Mukulu kwi myanda isatu ayitungu kulombasha: 1) abitungu kunyingisha ‘lukumiino lwetu lwi selele’ pa kulonga na kishima Eyi dy’Efile Mukulu na kwenda na kisumi mu mudimo wa kulungula mukandu wi buwa; 2) abitungu kuteka “na kikudi kiselele” sunga na bukitshishi bwakyo; na 3) kwikala na lukumino mu kintu ki kwitupetesha muuwa wa ikalayika: mulambu wa nkuulo wa Yesu Kidishitu.—Yo 3:16, 36.
“Baadi asangasha Efile Mukulu”
Butemuki bwa Henoke bubaadi naminyi? Bubaadi bino: “Talayi, Yehowa bafiki munkatshi mwa binunu byaye . . . bya basantu, bwa kutshibila booso kiimu na bwa kufudiisha booso ba ntomboshi ba munkatshi mwabo ku mifubo yabo yooso y’etombo, na ku mayi ooso e bukopo abadi batobe (bambe) Efile Mukulu kwi balwishi batombokye.” (Yu 14, 15, Kilombeeno kipya 2014) Kintu kya kumpala kyatumono nkya’shi, Henoke akula bu mwanda upwe kukitshika, nka bu’shi Efile Mukulu mmupwe kulombasha myanda i mu butemuki bwaye. Matemuki ebungi abadi bafunde kunyima kwaye, mbeafunde nka mu uno ngakwilo. Dilongyesha di panka ndino: Mutemuki kwete kwakula bwa mwanda waadi mushinkamishe ngofu’shi aukalombana; ngi bwakinyi euleesha nka bu upwe kukitshika!—Yesh 46:10.
“Baadi asangasha Efile Mukulu”
Lukumiino lwa Henoke alwitutakula bwa kwiyipusha su tukwete kumona uno ndumbulwilo abimumonaa Efile Mukulu. Kino kiimu kibaadi Henoke mulungule bantu ki kumpala kwetu; nkitale namu bantu ba mu uno ndumbulwilo nka bu bibaabidi bwa bantu ba mu mafuku a Henoke. Nka bu bibakwile Henoke mu mukandu waye, Yehowa baadi munokyeshe Mpeshi a kabutu bwa kubutula ba ntomboshi mu mafuku a Nowa. Byabya, kano kabutu ke nka bu kabutu kakata ke mu mafuku aafiki. (Mat 24:38, 39; 2 Mp 2:4-6) Nka bu mu mafuku a kala, lelo uno Efile Mukulu akyebe kufika na binunu byaye bya basantu bwa kutshibila bantu babi kiimu kya kululama. Abitungu muntu ooso a kwatudi ateemeshe kudimusha kwa Henoke na kwikulungula bangi bantu. Beena kifuko neetu na ba kuuku beetu mbalombeene kwitusumbusheena. Twi kwipusha bu’twe be bupenka ingi nsaa. Anka Yehowa tamulekyele Henoke bupenka nya; mpa na lelo uno namu tamulombeene kulekyela bafubi baaye basha lulamato nya!
LUBINGO LWA 18-24/11/2019
BUPETA BWA MWIYI DY’EFILE MUKULU | KIBAFUMBWILWE 1-3
“Nawuku bikitshino byobe”
w12-F 15/10 14 ¶8
Okwete kulesha kikudi kya mushindo kinyi?
8 Bwa kukambila kino kikudi abitungu tutentekyeshe abyakula Bible shi Yesu “mukwate mwiyaasa dyaye dibalume nyenyenyi musambobidi”. Ino “nyenyenyi” ayilesha bakulu bedibwe mwimu mpa na bangi bakulu booso ba mu tukongye. Yesu e na bya kuludika ino “nyenyenyi” mu mushindo wamono bu ulombane mwanda i mwiyaasa dyaye. (Kibaf. 1:16, 20) Bu byadi mutwe wa kakongye ka bena Kidishitu, Yesu kwete kukunkusha tusaka twa bakulu nsaa yoso. Su abitungu kuludika umune a ku bakulu be mu kasaka ka bakulu, uno e na “meeso bu kaalo akatembe” auku nsaa na mushindo wabidi bilombene kukitshika. (Kibaf. 1:14) Patukya batengyela, tutungunukyeyi na kunemeka baba bedibwe mwimu wa mu kikudi, mu kulonda mayi abafundile Mpoolo shi: “Kokyelayi bakunkushi beenu nwibafubile, mwanda abo ngi abalama myuuwa yeenu, mwanda abakeyilubwila bulami bwabo kwi’Efile Mukulu. Byabya mbalombene kwibikumbasha na muloo, kushi mu kwidila, mwanda ntambilombene kwinulumbulukila nya.”—Eb. 13:17.
w12-F 15/4 29 ¶11
Yehowa mmwitulame bwa nketupa kipandjilo
11 Mu kimonwa kyabakwila mu Kibafumbwilwe shapitre 2 na 3, Yesu e mu ntumbo yaaye, akunku tukongye twa mu Asie mineure. Kimonwa akilesha shi Kidishitu takwete kutala myanda mu ki bungi anka atala mwanda yadi mushinkamishe kalolo. Ingi misango badi mpana atemuna bantu na mu kakongye kooso badi atuusha elango sunga lutumbu lwi kalombene. Bino abilesha kinyi? Mu kulombana kwa kimonwa, tukongye musambobidi atulesha bena Kidishitu babadi bedibwe mwimu kunyima kwa kipwa kya 1914, na elango dibabadi bape tukongye musambobidi di na muulo lelo uno kwi tukongye tooso twa mwilo wa Yehowa wi mu Nsenga ishima. Bino, abitushinkamisha shi Yehowa kwabukwashi kwete kukunkusha mwilo waye ku bukwashi bwa mwan’aye. Mbikunyi byatudi balombena kupeta bukwashi bwa buno buludiki?
w01-F 15/1 20-21 ¶20
Tungunuka na kutambuka pamune na ndumbulwilo a Yehowa
20 Kutungunuka na kutambuka pamune na ndumbulwilo a Yehowa akutekye’shi tukumine mudimo wabadi bape Kidishitu Yesu kwi Efile Mukulu wa bu ‘mutwe wa kakongye.’ (Ef 5:22, 23) Lamiina mayi e mu Yeeshaya 55:4 mwabetulungula’shi: “Naadi mu mutuule bu kamonyi munkatshi’a bisamba, namupa bufumu na matalwa pa bantu.” Yesu auku kalolo bya kukunkusha. Auku dingi kalolo mikoko yaaye na bikitshino byayo. Nyi bwakinyi, pabadi mutale tukongye musambobidi twa mu Asie mineure, badi mwakule misusa itano shi: “Nawuku bikitshino byobe”. (Kibaf 2:2, 19; 3:1, 8, 15) Yesu auku dingi nkalo yetu, anka abikalaa Nshaaye, Yehowa. Kumpala kwa kutusha Luteko lwa kileshesho, Yesu bambile’shi: “Nshenu [Efile Mukulu] eukâ kyakya kyanudi nakyo lukalo kwibedi kwa tanwamutekyele kyanka.”—Mat. 6:8-13, EEM.
Kukimbuula bwa kupeta mabwe a muulo a mu kikudi
Bufumu bw’Efile Mukulu abukatusha b’eshikwanyi baabo
10 Kutuusha kwa kiimu. Beshikwanyi booso ba Bufumu bw’Efile Mukulu abakyebe kwibatakula pa bukopo bwashi bamone myanda ayikafiimisha mpombo yaabo. Yesu bambile shi: “Paapa abamono Mwan’a-muntu afiki, bamwifunyishe kwi makumbi, na matalwa ooso, mu ntumbo.” (Mak. 13:26) Buno bukome bukile bwa bantu abukyebe kulesha shi Yesu bafiki mu kutuusha kiimu. Mu kingi kipindji kya buno butemuki bwa mafuku a ku nfudiilo, Yesu balesheshe myanda itale kiimu kyakatuusha mu yaaya nsaa. Atupete ino myanda mu lukindji lwa mikooko na mbushi. (Badika Mateo 25:31-33, 46.) Beena Bufumu bw’Efile Mukulu baasha kululama abakebatshibila kiimu bu “mikooko” na ‘abebwesha mitwe [yaabo],’ abashinguula shi ‘kukuudibwa kwabo kwi pepi.’ (Luk. 21:28) Byabya, beshikwanyi ba Bufumu abebasambisha bu “mbushi” na, ‘kwibongyesheena meeno’ akwibatengyela.—Mat. 24:30; Kibaf. 1:7.
w09-F 15/1 31 ¶1
Myanda ikata ya mu mukanda wa Kibafumbwilwe — I
2:7—“Mpaladiso a Efile Mukulu nkinyi”? Bu byabidi’shi ano mayi abealungula bena Kidishitu bedibwe mwimu, mpaladiso abesambila pano mmulombene kwikala mbalo ya mwiyilu—kwikala kw’Efile Mukulu namwinyi. Bedibwe mwimu basha lulamato abapete bwedi pa kudya “mutshi wa muwa.” T’abekala dingi na mushindo wa kufwa nya.—1 Kod. 15:53.
LUBINGO LWA 25/11-1/12/2019
BUPETA BWA MWIYI DY’EFILE MUKULU | KIBAFUMBWILWE 4-6
“Lubilo lwa bantu bananka bakamine pa nfwalasa”
Bantu bananka bakaamine pa nfwalasa mbantu kinyi?
Mmuntu kinyi mukaamine pa nfwalasa tooka? Mayi alombene kwitukwasha bwa kuuka uno muntu atwiapete mu uno mukanda umune wa mu Bible, mukanda wa Kibafumbwilwe, mwanka mbayitanyine dingi uno muntu e mwiyilu mukaamine pa nfwalasa bu “Eyi dy’Efile Mukulu.” (Kibaf 19:11-13) Uno mwasu wa bu, Eyi ngwa Yesu Kidishitu, mwanda e na mufubo wa bu mukyendji w’Efile Mukulu. (Yo 1:1, 14) Na dingi, abamwitanyinaa bu “Nfumu a ba nfumu, [na] Mwanana a ba mwanana.” Abamwitanyina dingi bu “Sha-kishima na bu binyibinyi.” (Kibaf 19:16) Abimweneka kalolo’shi, e na matalwa a kukita myanda bu nfumu na bu kimankinda kya ngoshi, na takwete kufubisha bukome bwaye mu kipaso ki bubi nya. Anka, bino abibwesha ino nkonko.
wp17.3 4 ¶5
Bantu bananka bakaamine pa nfwalasa mbantu kinyi?
Bantu bakaamine ku nfwalasa ababangile lubilo nsaa kinyi? Lamina’shi muntu a kumpala mukaamine pa nfwalasa, Yesu, babangile lubilo nsaa ibabamupeele kifulu kya ntumbo. (Kibaf 6:2) Yesu bapetele kifulu kya bu Nfumu mwiyilu nsaa kinyi? Nta mwikipete nsaa ibalukile mwiyilu kunyima kwa lufu lwaye nya. Bible alesha’shi, kunyima kwa’ye kwenda mwiyilu babangile kutengyela munda mwa kipungo. (Eb 10:12, 13) Yesu bapeele balondji baye mushindo wabadya kutundula nfudiilo a kyakya kipungo kya kutengyela na mbangilo a kumunana kwaye mwiyilu. Bambile’shi kumbangilo kwa kumunana kwaye, myanda ayikanyiisha kulwila pa nsenga. Akwikala ngoshi, bipupa bya nsala, na bipupa bya mikumbo. (Mat 24:3, 7; Luk 21:10, 11) Mafuku apeela kunyima kwa ngoshi ya kumpala ya nsenga ishima mu kipwa kya 1914, bibamwenekyele patooka’shi bantu abatwelele mu kyakya kipungo, kipungo kya myanda ibukopo kyabetanyina mu Bible bu “mafuku a nfudiilo.”—2 Tim 3:1-5.
Bantu bananka bakaamine pa nfwalasa mbantu kinyi?
Muntu mukaamine pa uno nfwalasa aleesha ngoshi. Lamina’shi anyengye butaale kushii penda mu maumbo apeela, kadi mu nsenga yooso ishima. Mu kipwa kya 1914, kubatuukile ngoshi ya kumpala ya nsenga ishima. Kunyima kwayo, kubatuukile ngoshi ya kabidi ya nsenga ishima, ibadi ipee bantu bebungi kukila ya kumpala. Bangi bantu abapwandikisha’shi bungi bwa bantu bafwe ku ngoshi ya maumbo ya bisaka bya bantu be na ma mputu kubanga mu kipwa kya 1914 mbukile pa midiyo 100! Na dingi, bangi bantu be bungi mbatapikye ku ngoshi.
wp17.3 5 ¶4-5
Bantu bananka bakaamine pa nfwalasa mbantu kinyi?
Pa natadile, namwene nfwalasa fîta, yawa bádi mutentame panka bádi mukwate kipimo kya bushito. Napushîshe’nka bwiyi aditûku munkatshi mwa byabya bipangwa bi na mûwa binanka adyakula’shi: ‘Mûlo wa kilô kimune kya bukula bwa belê wi bwifuto dya mufubo w’efuku dishima. Mûlo wa bilô bisatu bya bukula bwa oloshe namu wi bwifuto dya mufubo w’efuku dishima. Anka, tolwishanga mwimu na mâlwa a nfinyo, ooo!’”—Kibaf 6:5, 6, EEM.
Muntu mukaamine pa uno nfwalasa aleeshe kipupa kya nsala. Pano abakula bwa kukaamina kwa muulo wa bintu bya kudya; bu kileshesho, kilô kimune kya bukula bwa blee ki na muulo wa ndenye umune, aku namu mu siekele a kumpala ndenye umune nyi efuto dibabadi abafutu muntu bwa mufubo w’efuku dishima! (Mat 20:2) Uno muulo ngukaamine mpa na ku bilô bisatu bya bukula bwa orje, aku namu buno bukula bubadi na muulo upeela pe bwa blee. Muntu baadi mulombeene kudiisha kifuko kishima naminyi? Kunyima, abadimusha bantu bwa’shi bekale na kabambo ka bidibwa mpa na bidibwa bya kwifuku, byabadi baleshe na bintu bibabadi abafubisha mu aa mafuku bu mwimu wa olive na nfinyo.
wp17.3 5 ¶8-10
Bantu bananka bakaamine pa nfwalasa mbantu kinyi?
Muntu a kananka mukaamine pa nfwalasa aleesha lufu alutuukila ku bipupa bya mikumbo na ku ingi myanda. Mafuku apeela kunyima kwa kipwa kya 1914, kikoolo kyabetanyina bu grippe Espagnole kibayipayile bantu midiyo makumi. Kibakwatshile bantu midiyo 500, anka penda muntu 1 pa bantu 3 ngi mupande!
Kikoolo kya grippe Espagnole nyi mbangilo a bipupa bya mikumbo. Bantu balongye ngofu abapwandikisha’shi, mu siekele a 20 bantu midiyo nkama na nkama mbafwe ku mukumbo wa mbalanga. Sunga byekala’shi myanda ya ba munganga ibende kumpala ngofu, lelo uno bantu midiyo bakwete kufwa ku mikumbo bu SIDA, kikoolo kya nfwenkye, na twishi twa mmase sunga malaria.
Bino bintu byooso bu—ngoshi, bipupa bya nsala, sunga bipupa bya mikumbo bikwete kutusha nka kipeta kimune, lufu. Mashama ta ngalombene kwikuta na akwete kukongola bantu boso abafu, kushii lukulupilo.
Kukimbuula bwa kupeta mabwe a muulo a mu kikudi
re-F 76-77 ¶8
Buwa bwa nkwasa a bufumu a Yehowa e mwiyilu
8 Yowano badi auku’shi abadi abatuulu ba tshite mwakwidi bwa kufuba mu tabernakle a kala. Nyi bwakinyi badi mukumbene kukanya ku kibadi mumone nsaa y’akula dingi’shi: “Ku bukunkula bwa lupuna nsulu kubadi mpuna makumi abidi na inanka, na pa ino mpuna babaadi bashikame kwi bakulu makumi abidi na bananka, bafwale bilamba bitooka na pa mitwe yaabo pabaadi bifulu bya mbango ya oolo.” (Kibaf. 4:4) Pa mbalo ya batshiite mwakwidi, bamono bakulu 24, Bashale ku nkwasa a bufumu na babadi bafwale mbango. Bano bakulu mba nnanyi? Abo nyi mbedibwe mwimu ba mu kakongye ka bena Kidishitu, basangukye na Bashale mu mbalo ya mwiyilu ibabadi bebalee kwi Yehowa. Atwibiuku naminyi?
re-F 80 ¶19
Buwa bwa nkwasa a bufumu a Yehowa e mwiyilu
19 Nkinyi akilesha bino bipangwa? Kimonwa kibamwene ungi mutemuku, Esekyele, akitukwasha bwa kupeta lwalulo. Esekyele bamwene lupuna nsulu lwa Yehowa p’etempu dya mwiyilu, dibadi adyende na bipangwa bi na muwa bi na mbidi I mumune na bino bibamwene Yowano. (Es 1:5-11, 22-28) Kunyima, Esekyele bamwene dingi dyadya etempu dya bufumu adyende na bipangwa bi na muwa. Bwa uno musango, akula pabitale bipangwa bi na muwa bu ba kerubime. (Es 10:9-15) Bipangwa binanka bi na muwa bibamwene Yowano abilesha ba kerubime bebungi b’Efile Mukulu—bipangwa bi mu kitenta ki kunundu mu ndumbulwilo Aaye a mu kikudi. Yowano tabadi mukumbene kukanya pabamwene ba kerubime bemane pepi na Yehowa, mwanda mu tabernakele akala babadi batule ba kerubime babidi ba oolo ku mpuuto a mushete, bibadi abilesha lupuna nsulu lwa Yehowa. Pankatshi pa bano ba kerubime nyi pabadi Yehowa mutushe miiya ibapele mwilo.—Efi. 25:22; Mis 80:1.
cf-F 36 ¶5-6
“Talayi! Ntambwe a mu kisamba kya Yuuda”
5 Ntambwe abamupwandikishaa n’eshimba dinyingye. Kasha tobwemene kumpala kwa ntambwe mulume? Su tobwemene, abimweneka’shi pankatshi penu naaye pabadi kisuku, pangi namu’shi pabaadi lupango lwinushikiile. Anka uno mwanda wi nkukwatshisha moo. Nsaa yotala mu mpala mwa kino kipangwa ki bukome ngofu na akyo namu akikutala, bibukopo bwashi opwandikishe’shi ntambwe mukumbene kusuka kintu kampanda. Bible akula’shi “ntambwe nkilobo kya ba nyema sh’esakâ kintu.” (Nki 30:30) Dino nyi eshimba dinyingye dya Kidishitu.
6 Tubandeyi kutala mushindo ubadi Yesu muleshe eshimba dinyingye bu dya ntambwe mu mishindo isatu: pa kukalwila bya binyibinyi, pa kukwatshishena kululama, na kumpala kwa mushikwa. Atukamono dingi’shi atwe booso—sunga twekala batandjikwe banyingye sunga kukutwa—twi balombeene kwambula Yesu pa kulesha eshimba dinyingye.