Bukuashi bopete pa kufubisha bipindi bilekene bia We kuikala na muloo bua loso!

Osangelaa ma video na nkonko ayitakula muntu bua kuakula bi biaye binangu, bi mu mukanda wa We kuikala na muloo bua loso! su? We kuamba naminyi pabitale kipindi kia “Bangi abamba’shi,” “Kepatshila,” na “Taluula dingi”? Bingi bipindi kinyi biodi mumone’shi abikukuashaa nsaa y’olongo Bible na muntu?​—Mat 28:19, 20.

Miisambo na ma video: Su okumina kufubisha mukanda wi ku masaki, mbikunyi biodia kupeta kushi lukalakashi ma video oso na ingi mikanda pa mbalo imune? Mu mukanda wa mu tuamo, sangula kimune kia ku bipindi binanka. Ku nfudilo kua mulongo wa mitue ya muanda, we kusangula ma video oso na mikanda ya kiakia kipindi. (Tala kifuatulo 1.)

Parametre a “Édition imprimer”: Su okuete kufubisha mukanda wa mu kamo bua kulonga Bible na muntu, bilombene nkukuasha su ofubisha parametre a “Édition imprimer” panukuete kulonga. Obe taadi mu dilongiesha, ashina pa tutoba tusatu tui kunuundu na osangule “Édition imprimer.” Bino abikukuasha bodya kutungunuka na kupusha kalolo bipushene mianda yanuisambila na mutue wa muanda wa diadia dilongiesha. Bua kualukiila, ashina nka tuatua tutoba tusatu, akupu ofitshine pa “Édition Digital.”

“Napu kulombana su?”: Tuno tushibo tui dia ku nfudilo kua mukanda, atulesha mianda itekibue bua’shi mulongi abangie kulungula na kakongie na abatshishibue. (Tala kifuatuo 2.)

Bikumbashilo: Abipatuula ingi mianda i na muulo. Ku nfundilo kua kikumbashilo kioso, kui lien akualusha paapa puekalanga mu dilongiesha. (Tala kifuatulo 2.)