Ekitshishe bua kulonga mianda ipia nsaa yu’ebadikila

Nsaa yu’elumbuula bua kuibadikila, eyipushe obe nabene’shi: ‘Nakiebe kulonga mianda kinyi?’ Abitungu tutentekieshe’shi, sunga tuamba’shi atukiebe kulonga ingi mianda, biabia t’abipushisha’shi ta kui ingi mianda ipia yabashi balombene kuitulongiesha kui Yehowa nya. Tui kupusha mianda ya bakuete kuikitshisha kui Yehowa bua kuitulongiesha naminyi?

Teka binangu kui Yehowa. Teka Yehowa akukuashe bodia kupusha mianda y’akumiina’shi owukie binobino. (Yak. 1:5) Leka kukulupila mpushisho oobe a kala.​—Nki. 3:5, 6.

Tadiila bukome bu’Eyi di’Efile Mukulu bufube mu nshalelo oobe. “Eyi di’Efile Mukulu di na muwa.” (Eb. 4:12) “Eyi” di’Efile Mukulu di na muwa, di kuikala na bukitshishi mu nshalelo eetu nsaa yooso y’atubadika Bible, ndilombene kuitulongiesha mianda ipia ilombene kuitukuasha mu nshalelo eetu mu mishindo ilekeenelekeene. Biabia, bino bi kukitshika nka su atuwuku’shi tui na lukalo lua kuwuka mianda y’abetulongiesha kui Efile Mukulu.

Tuikaleyi na lutumbu bua bioso bi’abetulongiesha kui Yehowa. Bino bidibua bia mu kikudi bi nka bu “kidibwa kya mwita wa nyema inune.” (Yesh. 25:6, EEM) Topelanga kubadika “kidibwa” ki’omono’shi tu’ekisangeelaa kui kidia. Okatadiila bua’shi Efile Mukulu akukuashe wekale muntu e buwa, na wekale osangeela kuibadikila!