Kipindji kya 5

Kubanga pa bupika mu Babilone mpa na pa kwibakuula kwa bimano bya Yeelusaleme

Pababadi mu bupika mu Babilone, beena Isaleele abaadi batompibwe ngofu. Shadrake, Meshake na Abede-Nego abaadi bedibwe mu bwina bwa kaalo akatembe, kadi ku bukwashi bw’Efile Mukulu abaadi bemutuukye na muwa. Akupu, kunyima kwa beena Mediya na beena Perse kutshokola beena Babilone, abaadi beele Danyele mu bwina bwa ntambwe, kadi Efile Mukulu nkumupaasha; ntambwe tangimudye nya.

Kunyima, Siruse nfumu a beena Perse baadi muposole beena Isaleele. Abalukiile kwabo bipwa 70 kunyima kwa kukwatshibwa mu bupika ku Babilone. Kintu kya kumpala kibabakitshine pababalukile ku Yeelusaleme nyi nkubanga kwibaka ntempelo a Yehowa. Kadi, beshikwanyi abafikile musango umune bwa kwimika mudimo wabo. Byabya abapudishe kwibaka ntempelo nka kunyima kwa bipwa 22 abo abalukila ku Yeelusaleme.

Akupu, atukyebe kumona shi Esdrase bayile ku Yeelusaleme bwa kulumbuula ntempelo. Bibaadi bu bipwa 47 kunyima kwabo kupudisha kwibaka ntempelo. Paapa, bipwa 13 kunyima kwa lwendo lwa Esdrase, Neemi baadi mukwashe bwa kwibakuula bimano bya Yeelusaleme bibaadi bipone. Kino Kipindji kya KATANO akisambila myanda ibaadi ikitshikye munda mwa bipwa 152 mpa na pa kwibakuula kwa bimano bya Yeelusaleme.