DILONGIESHA 30

Bakuenu bafue abakekala dingi na muwa!

Utukie ku kaamo

Lufu alufuishaa malua na kinyongua kikata. Nyi buakinyi Bible ayitanyina lufu bu muishikuanyi. (1 Bena-Kodinda 15:26) Mu Dilongiesha dia 27, tumuene’shi, Yehowa akashimisha uno muishikuanyi. Kadi kinyi akikafuiila bano bantu boso batababafuile? Mu dino dilongiesha, okalongo bi bungi pabitale ingi milayilo i buwa ya Yehowa akabuusha midiyala ya bantu bafue buashi bekale na muloo bua loso. Akebasangula! Uno muanda aukakitshika binyibinyi su? Abakasanguka bua kushala muiyilu su mpa nsenga?

1. Yehowa akakitshi kinyi bua bakuetu bafue?

Yehowa akabuusha bantu bafue. Yoobo muntu sha lukumino badi mushinkamishe’shi Yehowa takamulubankana su bafu nya. Balunguile Efile Mukulu’shi: “Okanyitamina, nkakwitabe [mu mashama].”—Badika Yoobo 14:13-15.

2. Atuku naminyi’shi bafue abakasanguka?

Yesu pabadi pa nsenga, Efile Mukulu badi mumupe bukome bua kubusha bafue. Yesu badi mubushe ka nsonguakashi ka bipua 12 na muana a mukashi a mu lufuila. (Maako 5:41, 42; Luka 7:12-15) Kunyima, Lazaare kuku a Yesu bafuile. Lazaare bafuile na aye nkukita mafuku ananka mu mashama, kadi Yesu badi mu mubushe ku lufu. Kunyima kua kusambila Efile Mukulu, Yesu belele musase ku mashama amba’shi: “Lazaare, tuuka!” Na “mufwe batuukile” na muwa! (Yowano 11:43, 44) Nangushena muloo ubapushile ba kuuku ba Lazaare na kifuko kiaye!

3. We kukulupila kinyi pabitale bakuenu bafue?

Bible mulee’shi: “Akuikala kusanguka.” (Bikitshino 24:15) Boso babadi Yesu mubushe pabadi pa nsenga, tababayile muiyilu nya. (Yowano 3:13) Babadi na muloo wa kuikala dingi na muwa pa nsenga. Mu mushindo umune, Yesu akabusha midiyala ya bantu bua kuikala na muwa wa loso mu mpaladiso pa nsenga. Yesu bambile’shi: “Boso balale mu nyembo” mpa na bano abamueneka bu bapue kulubibua mu binangu, kadi be mu binangu by’Efile Mukulu abakabushibua.—Yowano 5:28, 29.

TUKIMBUULE BOSO

Tutale bishinkamisho bia mu Bible abilesha’shi Yesu e na bukome bua kusangusha bantu na’shi akebikitshi. Tala bilombene lusangukilo nkunyingisha na nkupa lukulupilo.

Yesu abusha Lazaare ku lufu na bantu ababandila bakuete kukanya.

4. Yesu badi mutushe bishinkamisho abilesha’shi akabusha bafue

Longa bi bungi pabitale bibadi Yesu mukitshine kukua’aye Lazaare. Badika Yowano 11:14, 38-44, akupu nuisambile ino nkonko ailondo:

Atuku naminyi’shi Lazaare bafuile binyibinyi?—Tala verse 39.
Su Lazaare badi muende muiyilu, opuandikisha’shi Yesu badia kumusangusha bua kuikala na muwa pa nsenga?

Tala VIDEO.

VIDEO: Yesu asangusha Lazaare (1:16)

5. Bantu be bungi abakasanguka!

Badika Misambo 37:29, akupu nuisambile luno lukonko alulondo:

Midiyala ya bantu abakasanguka abakashala kunyi?

Yesu akasangusha bantu be bungi kushi penda baba abalanguila Yehowa. Badika Bikitshino 24:15, akupu nuisambile luno lukonko alulondo:

Nanyi okumina nkamona pakasanguka?

Nshe muana abusha muanaye na kalolo koso ku tulo.

Banda kunangushena: Yesu mulombene kusangula muntu mufue kushi lutato nka bu bilombene she muana kubusha muana aye ku tulo

6. Lusangukilo lui nkunyingisha na nkupa lukulupilo

Muisambo wa mu Bible wa kusanguka kua ka nsonguakashi ka Yayiluse ubadi unyingishe bantu be bungi babadi na kinyongua. Badika uno muisambo wa binyibinyi ubadi ukitshikie mu Luka 8:40-42, 49-56.

Kumpala kua kubusha ka nsonguakashi ka Yayiluse, Yesu badi mulungule nshaye na muana’shi: “Leka kutshina, ikala’nka na lukulupilo.” (Tala verse 50.) Lukulupilo lua lusangukilo ndulombene nkukuasha naminyi . . .

su mukuenu bafu?
su muwa obe wi mu masaku?

Tala VIDEO, akupu nuisambile luno lukonko alulondo.

VIDEO: Lukulupilo lwa lusangukilo alunyingisha eshimba—mu kipaso kinyi? (3:21)

Bifuatulo bisangie: Mianda ya mu video a ‘Lukulupilo lwa lusangukilo alunyingisha eshimba—mu kipaso kinyi?’ 1. Mukuetu mukashi anyingisha Veronica ku bisangilo bia kakongye kunyima kua Phelicity kufua. 2. Veronica na ungi muan’aye mukashi abanyingisha ungi muana mukashi ku bukuashi bua Bible.

Lukulupilo lua lusangukilo lubadi lunyingishe baledi ba Phelicity naminyi?

BANGI ABAMBA’SHI: “Bi bukopo bua kukumina’shi bafue abakasanguka.”

Obe namu omono naminyi?
Nkifundue kinyi kiodi mulombene kufubisha bua kulesha’shi akukekala lusangukilo?

MU KIKOSO

Bible mulee’shi midiyala ya bantu bafue abakasanguka. Yehowa akumina’shi bekale na muwa dingi, na mupe Yesu bukome bua kuibabusha.

Kuambuula

Yehowa na Yesu abapushaa naminyi pabitale kubusha bantu bafue?
Midiyala ya bantu abakasanguka abakashala kunyi? muiyilu su mpa nsenga? Buakinyi wamba biabia?
Nkinyi akikushinkamisha’shi bakuenu bafue be kuikala dingi na muwa?

Napu dino dilongiesha mu:

Kepatshila

Su owuku muntu mufuishe mukwabo sunga kuku aye, munyingishe na lukulupilo lua lusangukilo pa nsaa ilombane.

Kangi kepatshila:

Kangi kepatshila

TALUULA DINGI

Tala matabula odya kuela bua kukambila kinyongua.

“Bukuashi bua baaba bafuishe” (Pasukayi! No. 3 2018)

Mayi a kulonda a mu Bible ngalombene kukuasha binyibinyi muntu e na kinyongua su?

Nsaa ayifu muntu atudi bafule (5:06)

Muana mukinga e kukambila kinyongua kia kufuisha mukuabo naminyi?

Mulambu wa nkuulo (2:07)

Kui bantu abakasanguka muiyilu su? Mbantu kinyi basha bakasanguka?

“Lusangukilo nkinyi?” (Muisambo wi mu Internete)