MYALUULO KU NKONKO YA MU BIBLE
Bwakinyi Kidishitu akalukiila?
Kumpala kwa’shi Yesu Kidishitu ende mwiyilu mu kipwa kya 33 kunyima kwa Yesu Kidishitu (K.Y.K.), balayile shi akaalukiila. Baadi mwipwandikishe na muntu a mu kifuko kikata bayiile mwiumbo dii kula na balukiile na bukome bwa kudya bufumu. Yesu kyalukiila mbwa kupa bantu guvernema e buwa.—Badika Luuka 19:11, 12.
Yesu akyebe kutuudila bantu bufumu bwi buwa
Kidishitu akalukiila mu mushindo kinyi? Baadi musangukye bu muntu a mu kikudi shy’amwekaa. (1 Mpyeele 3:18) Akupu bayiile mwiyilu na nkushaala ku mboko ibalume ya nshaaye. (Misambo 110:1) Kunyima kwa mafuku ebungi, Yesu abamutuudile kumpala kwa Yehowa Efile Mukulu, “Mukulu a mafuku,” bapeele Yesu bukome bwa kukunkusha bantu. Byabya Yesu alukiila kushii bu muntu, kadi bu Nfumu shy’amwekaa.—Badika Danyele 7:13, 14.
Yesu akakitshi kinyi p’akafiki?
Apakafiki Yesu kushii kumweka na ba miikeyilu, akyebe kutshibila bantu kiimu. Akyebe kubutula bantu be bubi na kupa booso abamukumiina bu Nfumu muwa wa losoo.—Badika Mateo 25:31-33, 46.
Yesu p’akamunu bu Nfumu akyebe kwaluula nsenga bu mpaladiiso. Akyebe kubuusha bafwe mu mushindo wabadi balombeene kupeta muwa mu Mpaladiiso pa nsenga.—Badika Luuka 23:42, 43.