“Kibumbu kikata” kyabashi balombene kubadika kwi muntu kya bantu ba mu miilo yoso akikapanda ku ngoshi ya Armagedone
Bible Akula Kinyi?
Armagedone nkinyi?
Bangi bantu abakula’shi . . .
nyi ngoshi ya ma mputu a nucléaire ayikalwisha nsenga ishima. Obe namu omono naminyi?
Akyakula Bible
Armagedone nyi mbalo ya kifwanyi ayilesha “ngoshi y’efuku dikata dy’Efile Mukulu sha bukome booso,” ino ngoshi yaye ayikabutula bantu babi.—Kibafumbwilwe 16:14, 16.
Nkinyi dingi akitulongyesha Bible?
Efile Mukulu akalu ngoshi ya Armagedone, kushii bwa kulwisha nsenga, kadi bwadya kwiyisuula pa kukatusha bantu abeyilwisha.—Kibafumbwilwe 11:18.
Ngoshi ya Armagedone ayikafudiisha ngoshi yooso.—Misambo 46:8, 9.
Kwi mushindo wa kupanda ku ngoshi ya Armagedone su?
We kwakula naminyi?
Oolo
Nya
Pangi
Akyakula Bible
“Kibumbu kikata” kya bantu ba mu miilo yooso akikapanda ku ‘mpombo ikata’ ayikafudiila ku ngoshi ya Armagedone.—Kibafumbwilwe 7:9, 14.
Nkinyi dingi akitulongyesha Bible?
Efile Mukulu akumina’shi bantu bebungi bakapande ku Armagedone. Akabutula bantu babi pa mwanda mbapele kwilanga.—Esekyele 18:32.
Bible etupatulwila mushindo watudi balombene nkapanda ku Armagedone.—Sefanya 2:3.