Armagedone akabangila mu Isalele su?​—Bible akula kinyi?

Bible alesha’shi Armagedone takekala penda mu kipindi kampanda kia nsenga, kadi nyi ngoshi yabakalu mu nsenga ishima pankatshi pa mbulamatadi yoso ya bana ba bantu n’Efile Mukulu.

• “Mayi ayokielue na ba demo . . . aende kui ba nfumu ba pa nsenga ishima, bua kuibabunga ku ngoshi y’efuku dikata di’Efile Mukulu Sha bukome boso. . . . Ababungile ba nfumu pamune ku mbalo y’abetanyinaa mu kina Ebelu bu Armagedone.”​—Kibafumbuilue 16:14, 16.

“Armagedone” nyi nkishima akitukila ku kushima kia mu kina Ebelu Har Meghid·dohnʹ akipatuula “Muengie wa Megidone.” Megidone nyi kibundi kibaadi mu Isalele a kala. Nyi buakinyi bangi bantu abamba’shi ngoshi ya Armagedone abakeyiluila mu Isalele. Anka Megidone sunga ingi mbalo ya ku Moyen-Orient, tangilombene kukumbana ba nfumu boso ba mu nsenga ishima sunga biluilo biabo.

Babaadi bafunde mukanda wa Kibafumbuilue ku bukuashi “bua bitunduilo,” sunga ngakuilo a mu kinfuanyi. (Kibafumbuilue 1:1) Biabia, Armagedone talesha mbalo kampanda nya, kadi alesha muanda aukakitshika mu nsenga ishima, nsaa ayikebungu miilo bua musango wa nfudiilo buabadia kutombokiela mbulamatadi a Efile Mukulu.​—Kibafumbuilue 19:11-16, 19-21.