Kish’akipuila ngoshi

MULUISHO

Efile Mukulu baadi mupangie baledi betu ba kumpala, Adama na Eva ku kinfuanyi kiaye. (Kibangilo 1:27) Bino abilesha’shi, abaadia kuambula nyikashi y’Efile Mukulu, mpa na butaale na kifulo. (1 Bena Kodinda 14:33; 1 Yowano 4:8) Anka, Adama na Eva abaadi bakutue kukookiela Efile Mukulu na abo nkukita muluisho. Bu kipeta, tuibapiane muluisho na lufu. (Bena Loma 5:12) Muluisho watudi bapiane awitutakula mu kunangushena na mu kukita mianda ya bu ntomboshi.​—Kibangilo 6:5; Maako 7:21, 22.

MBULAMATADI YA BANA BA BANTU

Efile Mukulu tabaadi muitupangie bua’shi tuikunkushe nya. Bible amba’shi: “[Muntu] t’e na su nkipaso kyadia kuludika matabula ê mwishinda di buwa.” (Yeelemiya 10:23, EEM.) Nyi buakinyi, mbulamatadi ya bana ba bantu ta ngilombene kupua ngoshi.

SATANA NA BA DEMO BAYE

Bible alesha’shi “nsenga ishima i ku matalua a muntu mubi.” (1 Yowano 5:19) Yawa “muntu mubi” nyi Satana Diabulu, na muikale ngipayishanyi. (Yowano 8:44) Aye na ba demo nyi bakuete kutakula bantu bua kulua ngoshi na kuikala n’etombo.​—Kibafumbuilue 12:9, 12.