Tubingilo tua kuikala na lukulupilo mu 2023​—Bible akula kinyi?

Bu bibabanga kipua kia 2023, atue booso atukulupila mianda ibuwa buetu mpa na bua bifuko bietu. Buakinyi tui balombene kuikala na luno lukulupilo?

Bible atuusha lukulupilo

Bible atuusha mukandu wibuwa wa’shi nkalakashi yatudi nayo lelo uno ngia kapindi kapeela ayipu binobino. Bible, baadi ‘babamufundjile bwa kwitulambukisha, bwa’shi ku. . . kusambibwa kwa bifundwe, tupete lukulupilo.”​—Bena-Loma 15:4.

• Bua kuuka bibungi pabitale milayilo ya mu Bible, badika muisambo awamba’shi: “Lukulupilo lua binyibinyi bua nshalelo ebuwa mu mafuku e kumpala.”

Lukulupilo lulombene nkukuasha binobino

Lukulupilo lua mu Bible ndulombene kuikala bu “nyindo a muwa wetu.” (Bena-Ebelu 6:19, NWT note) Lualua lukulupilo ndulombene kuitunyingisha. Ndulombene kuitukuasha bua kumona bia kukila na nkalakashi ya ano mafuku, kuikala na mueneno ebuwa, na kupeta muloo wa loso. Kileshesho:

• Tala bibaadi Bible mukushe muntu baadi akimbi mushindo wa kukatuka ku bupika bua bintu abikolanaa. Tala video amba’shi: Nshalelo ande tabaadi ansankisha dingi nya.

• Tala lukulupilo lua mu Bible bialudi lulombene kuitukuasha su tubafuisha muntu atudi bafule. Tala video amba’shi: Kunyingisha baaba be mu maalo.

Nyingisha lukulupilo loobe

Bantu bebungi abakulupila’shi bintu bibuwa bikitshikie, anka ta mbalombene kushinkamisha’shi lukulupilo luabo alukalombana. Milayilo ya mu Bible tayi biabia nya. Buakinyi? Muanda milayilo ya mu Bible ayifiki kui Yehowa Efile Mukulua nabene, “shi mulombene kudimba.” (Tite 1:2) Anka penda Yehowa nyi e na bukome bua kulombasha milayilo yaaye; mmulombene kukita “kintu kioso kiakumiina kukita.”​—Misambo 135:5, 6.

Atukutekie bodia kupeta bukuashi bua lukulupilo lua binyibinyi lui mu Bible. We mulombene kunyingisha lukulupilo loobe pa “kutaluula Bifundue kalolo.” (Bikitshino 17:11) Ebimuene obe nabene pa kutompa kulonga kuetu kua Bible na bantu buntu. Banga kipua kia 2023 na lukulupilo loso!