Tumonyi tua Yehowa na kuipayibua kua bena Yuda bebungi kui ba Nazi kuabetamina bu holocauste​—Bible akula kinyi?

Efuku dia 27 mueshi wa Kumpala 2023, mu nsenga ishima adikala bu Efuku dia kutentekiesha kuipayibua kua bena Yuda bebungi kui ba Nazi kuabetamina bu holocaust. Mianda y’etombo na bibeshi bibaadi bikitshikie takudi bipua bikile pa 75 ngilombene nkutakula mu kuiyipusha buakinyi Efile Mukulu baadi mutadiile bua’shi kino kintu kiabetamina bu holocaust kikitshikie.

• Bua kuuka akiamba Bible, badika muisambo awamba’shi: “Bua kinyi bena Nazi babaipayile bena Yuda bakile bungi? Bua kinyi Efile Mukulu badi mutadile kushi kukita kintu?”

Bena Yuda bebungi abaadi bebayipe ngofu kui ba Nazi. Bantu midiyo abaadi bebayipe pa bukopo. Mu kiakia kipungo kiabetamina bu holocauste bingi bisaka abaadi abebikiengiesha na kuibiyipaa. Munkatshi muabo mubaadi Tumonyi tua Yehowa, babaabadi bakiengieshe muanda wa nkumiino yaabo ayituukila mu Bible.

• Bua kulonga bibungi, tala muisambo awamba’shi: “Buakinyi abaadi babingiebingie Tumonyi tua Yehowa mu mafuku a ba Nazi?”

“Lukulupulo lua mafuku e kumpala”

Bantu bebungi bakuete kutshina’shi muanda bu uno ubaadi ukitshikie mu kuipayibua kua bena Yuda bebungi kui ba nazi kuabetamina bu holocauste wi kukitshika dingi. Muanda wa muloo, Bible mmulee’shi mafuku e kumpala t’akuikala dingi bibeshi nya.

• “‘Ami nabeene naawuku mpàngo yandi mwinwelele,’ ngi abyakula Yehowa, ‘nyi mpango ya mwabi ishiii ya mwalwa: anukapete buuwa na lukulupilo.’”​—Yeelemiya 29:11.a

Luno lukulupilo alukalombana nsaa y’abakatusha bubi boso kui Yehowa Efile Mukulu na kulumbuula bioso biabudi buluishe. Mu mafuku e kumpala akiebe:

• Kukatusha bantu boso bebungi abakiengiesha bangi.​—Nkindji 2:22.

• Kupaasha boso abakiengie.​—Kibafumbwilwe 21:4.

• Kualusha boso bafue na muwa pa nsenga.​—Yowano 5:28, 29.

We mulombene kukumiina lukulupilo alunyingisha lui mu Bible. Bua kulonga bibungi, atukutekie bodia kukumiina tutompe kulonga nobe Bible buntu.