Yesu akafudiisha ngoshi

Pabaadi pa nsenga, Yesu baadi muleshe’shi mmufule bantu ngofu mu mushindo ubaadi mulambule muwa waye buabo. (Mateo 20:28; Yowano 15:13) Binobino, akiebe kulesha dingi kifulo kiaye bua bantu pa kufuba na matalua aaye a bu Nfumu a Bufumu bu’Efile Mukulu bua “kuimika ngoshi mu nsenga ishima.”​—Misambo 46:9, NWT.

Tala mushindo aulesha Bible abikakitshi Yesu:

• “Apaasha mulanda eele musaase kwadi, naa bee mu mpombo bashii naa pa kwimeena. Apushiisha mulanda na mubofule lusa; apaasha muuwa wa balanda: Eebakalwila kui baaba abebamwesha malwa na abebakyengyesha.”​—Misambo 72:12-14.

Mmushindo kinyi watudia kulesha lutumbu bua bioso biabadi bakite kui Yesu na bi’akiebe kuitukitshina binobino? Mushindo umune nyi nkulonga bibungi pabitale “mukandu wibuwa wa Bufumu bu’Efile Mukulu,” mukandu ubaadi mulongieshe. (Luka 4:43) Badika muisambo awamba’shi: “Bufumu bu’Efile Mukulu nkinyi?”