Buakinyi Politike ayitshibuula bantu bino?—Bible akula kinyi?

Mu nsenga ishima, bantu bebungi mbetshibuule mu mianda ya politike. Muyile rapore ya kisaka akikimbuulaa mianda kiabetamina bu Pew Research Center, ya mu 2022, “mu bantu bakulu 65% babadi beele nkonko, pepi mu maumbo 19 mbaleshe’shi, kui kuikutuena ngofu sunga kukile bukopo mu maumbo aabo pankatshi pa bantu abakuatshishena bisaka bilekene bia politike.”

We mumone’shi kuitshibuula kua bena politike kukuete kuenda na kutama mbalo yodi su? Buakinyi bi biabia? Nkulombene kupua su? Tala abiakula Bible.

Mmueneno ayitshibuula bantu

Bible baadi mutemukie’shi mu ano mafuku eetu, abetamina bu “mafuku a ku nfudiilo,” bantu bebungi abekala na mmueneno akitshi bia’shi bikale bukopo bua bantu kuikala mu buumune.

• “Mu mafuku a kunfudiilo akukafika bipindji bi bukopo ; mwanda bantu abakeekala bekumiine’bo banabene, . . . bashabapooshwa.”​—2 Timote 3:1-3.

Sunga bantu bakuete kukita muabo mooso bua’shi mbulamatadi afube kalolo, bino tabikuete koobeleka nya. Bantu be na mmueneno muikutuene abamono’shi bi bukopo na’shi tabia kukitshika bua’shi bafube pamune bua kupudisha nkalakashi. Bipeta abituuku kuanka abishinkamisha mayi abaabadi bapue kulesha mu Bible takudi bipua bikile bungi.

• “Muntu amunu muntu naaye na matalwa a kumukitshina bibubi.”​—Mulungudi 8:9.

Anka, Bible alesha kilombene kupudisha bianka—mbulamatadi akunkushibua na muntu mukumbene kupudisha nkalakshi yoso ikuate bantu lelo uno.

Mukunkushi mulombane na apasukila bangi

Bible atemuna mukunkushi umune ena ngobesha: Yesu Kidishitu e na bukome, matalua, na lukalo lua kufuisha buumune na butaale kui bantu boso.

• “Mu mafuku a bufumu bwaye, mululame atangale, kwiyikeela kutame.”​—Misambo 72:7.

• “Bisamba byooso bimufubile.”​—Misambo 72:11.

Yesu nyi mmukunkushi mulombane muanda apasukilaa bantu na akuminaa kuibakuasha, bikishekishe bano babadi bakitshine mianda ya kukutua kua kululama.

• “Apaasha Mulanda eele musaase kwadi, naa bee mu mpombo bashii naa pa kwimeena. Apushiisha Mulanda na mubofule lusa; apaashe muuwa wa balanda: Eebakalwila ku ntuditudi na ku kifita kya bantu.”​—Misambo 72:12-14.

Longa bibungi pabitale Bufumu bu’Efile Mukulu, mbulamatadi a muiyilu abakuete kukunkusha kui Yesu. Mona biabudi bulombene nkukuasha na biodia kukuatshishena bukunkushi buabo.

• Tala video amba’shi Bufumu bw’Efile Mukulu nkinyi?

• Badika muisambo awamba’shi: “Bufumu bw’Efile Mukulu​—Nyi Guvernema abashi balombene kutshiba milomo.”