Ngoshi ayimana mafuku kinyi?​—Bible akula kinyi?

Secrétaire Générale des Nations unies António Guterres ayikalanga muakule pabitale ngoshi ya Iran na Israël muifuku dia 13 dia mueshi wa Kananka bino: “Ino nyi nsaa ayitungu’shi uno muanda tawikalanga bukopo bukile sunga kutuusha masaku akile. Ino nyi nsaa ayitungu kuikanda.

Ngoshi i mu Moyen-Orient nyi nkileshesho kimune kia bikuete kukitshika mu nsenga ishima.

“Bua binobino, kui etombo dikile mu ngoshi pa nsenga kukila biabibaadi kubanga mu Ngoshi ya Kabidi ya Nsenga ishima, bino bi na bukitshishi kui bantu midiyala 2 bekale kia mbinanka kia bantu mu nsenga ishima.”​—Conseil de sécurité des Nations unies 26/1/2023.

Mu ma mbalo e ngoshi i bukopo mui Israël, Gaza, Syrie, Azerbaïdjan, Ukraine, Soudan, Ethiopie, Niger, Myanmar, na Haïti.a

Ngoshi ayikemana mafuku kinyi? Bakunkushi ba nsenga mbalombene kufuisha butaale su? Bible akula kinyi?

Nsenga i mu ngoshi

Ngoshi i mu nsenga lelo uno ayilesha’shi nfundiilo ya ngoshi yoso tayidi pepi. Ino ngoshi ayilombasha butemuki bua mu Bible pabitale kipungo kiatudi. Bible ekitanyina bu: “nfudiilo a nsenga.”​—Mateo 24:3.

• “Anukapusha abakula bua ngoshi. . . . Muilo aukebuela ungi muilo ngoshi, na bufumu abukebuela bungi bufumu ngoshi.”​—Mateo 24:6, 7.

Badika muisambo awamba’shi: “Quel est le signe des « derniers jours », ou « temps de la fin » ?” bua kumona mushindo wikale ngoshi ya ano mafuku ayilombasha butemuki bua mu Bible.

Ngoshi ayikemika ngoshi yoso

Bible mmutemukie nfudiilo ya ngoshi ya bana ba bantu. Abikakitshika naminyi? Kushi ku bukome bua bana ba bantu, kadi ku bukuashi bua Armagedone, “ngoshi y’efuku dikata di’Efile Mukulu Sha bukome boso.” (Kibafumbuilue 16:14, 16) Ino ngoshi ayikakitshi bia’shi Efile Mukulu alombashe mulayilo waye wa kupa bantu butaale bua loso.​—Misambo 37:10, 11, 29.

Bua kuuka bibungi pabitale ngoshi y’Efile Mukulu bua kuimika ngoshi yoso, badika muisambo awamba’shi: “Qu’est-ce que la bataille d’Armaguédon?”