Efile Mukulu e na mashina bungi kinyi?

Lwaluulo lwa Bible

Efile Mukulu e n’eshina penda dimune. Adifundjibwa mu kina Ebelu bu יהוה na atwidyalulaa mu Kisongye bu “Yehowa.”a Kukidila kwi mutemuki aaye Yeeshaya, Efile Mukulu bambile shi: “Nnami Yehowa. Dino nyi eshina dyande.” (Yeeshaya 42:8, NWT) Dino eshina adimweneka misango pepi na 7 000 mu mifungofungo ya kala ya Bible—misango ibungi kukila bishima byooso babadi bemufunde bwa kwitamina Efile Mukulu sunga kukila eshina dyooso kampanda dya muntu.b

Yehowa e na angi mashina su?

Sunga mbyabidi shi Bible etanyina Efile Mukulu mwishina dyaaye penda dimune, kwete kutemuna myasu ibungi na bingi bipatulwilo. Uno mulongo wa myasu na bipatulwilo aulesha mushindo wi mwasu ooso aulesha mwanda umune utale bi Yehowa na bumuntu bwaye.

Mwasu	Verse	Kipatulwilo
Allah	(Pakushii kifundwe)	Kishima “Allah” akifiki ku kina Arabe t’eshina dya muntu, nyi mmwasu aulesha penda shi “Efile Mukulu.” Bible ibungi ya mu kina Arabe na mu ingi ndimi mbafunde kishima “Allah” bwa kutemuna “Efile Mukulu.”
Sha bukome-booso	Kibangilo 17:1	E na bukome bushii bwa kutshokolwa. Kishima kya mu kina Ebelu ʼEl Shad·daiʹ, “Efile Mukulu Sha Bukome-Booso,” di mu Bible misango musambo.
Alfa na Omega	Kibafumbwilwe 1:8; 21:6; 22:13	“A kumpala na nfudiilo,” sunga “mbangilo na nfudiilo,” akilesha shi takubaadi Efile Mukulu Sha bukome-booso kumpala kwa Yehowa na dingi takwikala dingi ungi kunyima kwaaye nya. (Yeeshaya 43:10) Alfa na omega nyi ndileta dya kumpala na dya nfudiilo mu nfundjilo a kina Greke.
Mukulu a mafuku	Ndanyele 7:9, 13, 22	Te na mbangilo; e kwanka kubanga looso kumpala kwashi muntu ooso sunga kintu kyooso kikale kwanka.—Misambo 90:2.
Mupangi	Yeeshaya 40:28	Mupangye bintu byooso.
Yaaya	Mateo 6:9	Naye mwitupe muwa
Efile Mukulu	Kibangilo 1:1	Yawa atungu kulangwila; mukile bukome. Kishima kya kina Ebelu ʼElo·himʹ ki ku bungi, bwa kulesha bukata, kinemo sunga nkumo ya Yehowa.
Efile a b’efile	Miiya Ikituulwe 10:17	Efile e kunundu kwa booso, mu kwishilena na “b’efile” babalangwila kwi bangi.—Yeeshaya 2:8.
Mulongyeshi Mukata	Yeeshaya 30:20, 21	Etupa malongyesha aetukwasha na kwitukunkusha.—Yeeshaya 48:17, 18.
Mupangi Mukata	Misambo 149:2	Mufukye bintu byooso bi kwanka.—Kibafumbwilwe 4:11.
Efile a muloo	1 Timote 1:11	Ekala nsaa yooso na muloo na disanka.—Misambo 104:31.
Atemeshaa nteko	Misambo 65:2	Atemeshaa aye nabeene luteko looso lwabamwele na lukumiino.
Nyi nka byabya byandji	Efilu 3:14, EEM	Afikaa kyooso akitungu shi afikye bwa kukumbasha mpango yaaye. Ano mayi mbealuule shi “nafiki kyooso kyankumiina” sunga shi “nafiki kyooso kyansagula kufika.” (The Emphasised Bible, abadi balule kwi J. B. Rotherham; New World Translation) Ano mayi aetukwasha bwa kupatuula eshina dy’Efile Mukulu Yehowa di mu verse alondo.—Efilu 3:15.
Sha mukao	Efilu 34:14, King James Version	Takumiinaa kwabuula lulangwilo lwaye na bangi. Kino kishima mbekyaluule dingi shi “shakumiina kwiabishena Bufumu na mungi muntu ” na’shi “aukibwa bu akumina kulangwilwa nkapenda bupenka bwaye.”—Bible Eyi dy’Efile Mukulu; Tranduction du monde nouveau.
Nfumu a looso	Kibafumbwilwe 15:3	Bufumu bwaye tabwi na mbangilo sunga nfudiilo.
Mwanana	Misambo 135:5	Sha byoso sunga sha matalwa; mu kina Ebelu ʼA·dhohnʹ na ʼAdho·nimʹ.
Mwanana a Bakukishi, Mwanana a Sabaote	Yeeshaya 1:9, King James Version; Bena-Looma 9:29, King James Version	Mukunkushi a makome a mikeyilu. Mwasu “Mwanana a Sabaote” mbalombeene kwiwaluula bu “Yehowa a bilwilo” na bu “Mwanana a bilwilo [bi mwiyilu].”—Bena-Looma 9:29, Traduction du monde nouveau; NET Bible, note.
Mukile Kwiyilu	Misambo 47:2	E na mwasu wi kunundu kwa yooso.
Mukile bwiselele	Nkindji 9:10	Mukile bantu booso bwiselele (eselele mu mwikeelo).
Mbûfi	Yeeshaya 64:8	E na matalwa kwi bantu na miilo, nka abikalaa mbûfi na matalwa kwi ema.—Bena-Looma 9:20, 21.
Mukuudi, Mufungushi	Yeeshaya 41:14; EEM	Akuulaa na kufungusha bantu bapanyibwe ku bupika bwa mulwisho ku bukwashi bwa mulambu wa nkuulo wa Yesu Kidishitu.—Yowano 3:16.
Lubwebwe	Misambo 18:2, 46	Aye nkifwamino na nsulo ya kipandjilo kyetu.
Mupashi	Yeeshaya 45:21	Etupaasha ku masaku sunga ku kabutu.
Mulami a mikooko	Misambo 23:1	Apasukila balangwidi baaye.
Mwanana e kunundu kwa booso	Kibangilo 15:2	E na bufumu bwi kunundu kwa mafumu ooso; mu kina Ebelu ʼAdho·naiʹ.
E kunundu kwa booso	Ndanyele 7:18, 27	Nfumu e kunundu kwa booso.

Mashina a ma mbalo e mu Bifundwe bya kina Ebelu

Angi mashina a mbalo mu Bible e n’eshinda dy’Efile Mukulu, kadi ano ta ngangi mashina a Efile Mukulu nya.

Eshina dya mbalo	Verse	Kipatulwilo
Yehowa-yire	Kibangilo 22:13, 14	“Yehowa aketupa.”
Yehowa-nisi	Efilu 17:15	“Yehowa nyi nkitundwilo kyande,” sunga “lupopo lwande.” (Today’s New International Version) Yehowa nyi Efile Mukulu e bu kitundwilo kya mbalo ya kwibunga bafubi baaye bwashi ebakalwile na kwibakwasha.—Efilu 17:13-16.
Yehowa-shalome	Bansushi 6:23, 24	“Yehowa nyi mbutaale.”
Yehowa-shama	Esekyele 48:35, note, American Standard Version	“Yehowa e kwanka.”

Bwakinyi bibuwa kuuka na kupatuula eshina dy’Efile Mukulu

Efile Mukulu amonaa shi eshina dyaaye, Yehowa di na muulo ukata mwanda mwidifundjishe misango binunu mu Bible.—Malakii 1:11.
Yesu Mwana a Efile Mukulu baadi muleshe misango ibungi muulo wa eshina dy’Efile Mukulu. Bu kileshesho baadi mwele luteko amba shi: “Eshina dyoobe dyende ntumbo.”—Mateo 6:9; Yowano 17:6.
Bano abafiki mu kuuka na kutemuna eshina dy’Efile Mukulu be bu abele etabula dya kumpala bwa kwikala na kipwano kibuwa na Yehowa. (Misambo 9:10; Malakii 3:16) Kino kipwano akibakwasha bwashi uno mulayilo ukumbane kwabadi: “Bu bibandamata, namukalwila, naamulama manda awukw’eshina dyande.”—Misambo 91:14.
Bible ashinkamisha shi: “Kwi b’efile mwiyilu sunga pa nsenga, mwanda kwi b’efile beebungi na ‘milopwe’ ibungi.” (1 Bena-Kodinda 8:5, 6) Na alesha kalolo eshina dy’Efile Mukulu penda umune, Yehowa.—Misambo 83:18.

a Bangi bantu abauku kina Ebelu kya kala abamba shi bibuwa kufunda eshina dy’Efile Mukulu bu “Yahweh.”

b Eshina dy’Efile Mukulu dya mu kikoso “Yah,” di mu Bible pepi na misango 50, mpa na padidi mu kishima “Hallelujah,” sunga “Alleluia,” akilesha shi “Tumbisha Yah.”—Kibafumbwilwe 19:1; American Standard Version; King James Version.