Kipindji Kya 6

Kubanga pa kutandikwa kwa Yesu mpa na pa lufu lwaye

Mwikeyilu Gabryele baadi mutumibwe kwi nsongwakashi ebuwa ayitanyinwa bu Madiya. Bamulungwile shi akyebe kutanda mwana akekala nfumu bwa looso. Yawa mwana, Yesu, batandikile mu kashibo ka nyema, mubabadi bamupete kwi balami ba mikooko. Kunyima, lwenyenyi lubakunkwishe bantu ba Kutunduka nguba bwa kwenda kwi Yesu. Atukyebe kumona yawa baadi mwibakwashe bwa kumona lwalwa lwenyenyi, na mushindo ubaadi Yesu mupashibwe pababadi abakyebe ku mwipa.

Akupu, atukyebe kumona Yesu, pabaadi na bipwa 12, kwete kwisamba na balambukishi mu ntempelo. Kunyima kwa bipwa ekumi na mwanda, Yesu baadi mubatshishibwe na babangile mudimo wa kulongyesha na kulambukisha bantu mukandu wibuwa wa Bufumu ubaadi Efile Mukulu mumutume bwa kukita pa nsenga. Yesu batshile bantu 12 aye nkwibekasha bu batumibwa baaye bwa kumukwasha mu uno mudimo.

Yesu bakitshine dingi bipaso bibungi. Baadi mudiishe binunu bya bantu na penda ndambo ya mishipa na ya mikate. Bapashile bantu bebungi babaadi na mikumbo na kubuusha bafwe. Ku nfudiilo, atukyebe kumona myanda ibungi ibaadi ikitshikile Yesu munda mwa mafuku abaadi pano pa nsenga, na mushindo ubabadi bamwipe. Yesu baadi mulambukishe mukandu wibuwa munda mwa bipwa bisatu na kipindji, byabya, KIPINDJI KYA KASAMOMBO akisambila myanda ikitshikye munda mwa bipwa bikile pa 34.