Mukanda wa Kasaka ka Bakunkushi-Bakulu

‘Nubadya kwikala balambukishi.’ (Eb. 5:12) Banda kwela binangu! Yehowa​—Mulongyeshi mukile buwa etwitanyina bwa shi tulongyeshe bangi myanda yaaye! Mudimo oso utale kulongyesha bya binyibinyi pabitale Yehowa​—mu kifuko, mu kakongye, sunga mu mudimo wa bulungudi—​nyi nkinemo na mbushito bukata. Twi koobesha wanka naminyi?

Lwalulo alusanganyibwa mu mayi a Mpoolo mutumibwa abaadi mufundjile Timote shi: “Epaane mu kubala kwa Bifundwe, mu kulanga bantu na kwibalambukisha.” Mpoolo bakumbeshe shi: “Pa kukita byabya binyibinyi, ngi pokepaasha obe nabene mpaa na bano abakuteemesha.” (1 Tim. 4:13, 16) We na mukandu wa kulungula aupasha bantu. Nyi bwakinyi abitungu wetatshishe bwa kulongamisha mbadikilo na ndongyesho oobe. Uno broshire mbamutuushe bwa nkukwasha. Banda kutala ingi myanda i mwanka

Verse mutemunwe mwisaki dyoso mmulombene kwikala eyi dya kulonda dipushene na mwanda aulongibwa sunga kileshesho kitale uno mwanda autungu kutumikila

Yehowa nyi “Mulambukishi Mukata.” (Yesh. 30:20) Nsaa ayikukwasha uno broshire bwa kulongamisha mbadikilo na ndongyesho oobe, tolubanga shi Yehowa nyi Nsulo ya mukandu watudi batwale, na shi aye nyi akakaa bantu. (Yo. 6:44) Byabya, ikala otekye kikudi kiselele. Ikala ofubu n’Eyi dy’Efile Mukulu. Kulupila kwi Yehowa, twekulupilanga obe nabene. Etatshishe bwa kutwesha kifulo kyaaye mu mashimba a bantu abakuteemesha.

Mbakupe bushito bwa kulongyesha mukandu wi na muulo ukile bukata. Atushinkamisha shi, bu byodi mukulupile mu ‘bukome bukupe Efile Mukulu,’ oobesha.​—1 Mp. 4:11.

Balongyeshi noobe,

Kasaka ka Bakunkushi-Bakulu