Nkonko Ya Bantu Ababadikaa

Kayimba ka misambo Davide baadi mukishekishe nsaa ibafundile’shi mmulombene kutumbisha eshina di’Efile Mukulu bua “losoo” bu biabadi baleshe mu Misambo 61:8 su?

Nyaa. Bino bibafundile Davide, bibaadi bia binyibinyi na bebilombeshe.

Tutaleyi bibafundile mu uno verse na mu angi ma verse e mumune na uno amba’shi: ‘Paapa nasaamuna eshina dyoobe bwa looso bwa kukumbasha efuku dyooso milayilo yande.’ ‘Yehowa Efile Mukulu ande, naakiebe nkusaamuna n’eshimba dyande dyooso naa kutumbisha eshina dyoobe bwa looso.’ ‘Naasaamuna eshina dyoobe bua looso.’​—Mis. 61:8; 86:12; 145:1, 2.

Nsaa ibafundile Davide ano mayi, ta baadi anangushena’shi ta mmulombene kufua nyaa. Baadi muukie’shi Yehowa baadi muakule’shi miluisho ya bantu ayikafuisha lufu, na Davide baadi mukumiine’shi aye nkitshishi a bubi. (Kib. 3:3, 17-19; Mis. 51:4, 5) Baadi muukie’shi sunga bantu bakuminyibue na Yehowa bu Abrahame, Isake na Yakobo, babaadi bafue. Na Davide namu baadi muukie’shi ku mfudiilo a bioso afu. (Mis. 37:25; 39:4) Anka mayi aaye atupete mu Misambo 61:8, aalesha bibaadi lukalo luaye na kitshibilo kiaye kia kutumbisha Efile Mukulu bua losoo, kuamba’shi, mu nshalelo aaye ooso.​—2 Sam. 7:12.

Ingi nsaa Davide baadi afundu pabitale mianda ibaadi mupete mu nshalelo aaye’ye nabene, nka bu biatudi balombene kuibimona mu mayi e kunundu kua Misambo 18, 51, na 52. Mu Misambo 23, Davide baadi mufunde’shi Yehowa mmuikale mulami amupeyaa buludiki, na amunyingishaa na kumukaluila. Na Davide namu baadi mulami a wawa mushindo. Na baadi mukumiine kulanguila Yehowa ‘mafuku ooso a muwa waye.’​—Mis. 23:6.

Tentekiesha’shi Yehowa, ngi baadi mukunkushe Davide buadia kufunda ino mianda yooso ibaadi mufunde. Mu bino bibafundile, mubaadi mpaa na matemuki atale mianda i bungi ayikakitshika kunyima. Bu kileshesho, mu Misambo 110, Davide baadi mufunde kipungo na nsaa ibaadi mfumu aaye mulombene “kushaala ku mboko ibalume [y’Efile Mukulu]” muiyilu na kupeta bukome bui bungi. Bua kukita kinyi? Bua kubutula beshikuanyi b’Efile Mukulu na “kutshibila miilo kiimu” pa nsenga. Davide baadi nshaye kulu na Mesiya, baadi na kia kukunkusha muiyilu na baadi mulombene kuikala “tshite mwakwidi mpâ na ku ikalaika.” (Mis. 110:1-6, EEM) Yesu baadi mushinkamishe’shi butemuki bu’atupete mu Misambo 110 bubaadi bumutale, na’shi baadi mulombene kulombasha buno butemuki mu mafuku aafiki.​—Mat. 22:41-45.

Oolo, Davide baadi mufunde pabitale bino bipungo bioso bibidi, kipungo kiaye na kipungo kia mu mafuku aafiki nsaa y’akasanguka na nsaa y’akasangeela kutumbisha Yehowa bua losoo. Bino abitukuasha buatudia kupusha’shi Misambo 37:10, 11, 29, Ngilombene kupushika nka bu mianda ibaabadi bafundile Isaleele a kala, ayikiebe nketufikila namu n’atue mu mafuku aafiki pabakalombasha milayilo ya mu mafuku aafiki kui Efile Mukulu.​—Tala kikoso 8 ki mu muisambo awamba’shi: “Okeekala naami mu Mpaladiiso” wi mu kino Kitenta kia Mulami.

Misambo 61:8 na angi ma verse e mumune, aalesha’shi Davide baadi mukumiine kutumbisha Yehowa mu Isaleele a kala mpaa na p’akafu. Na ano ma verse aalesha’shi Davide akekala na mushindo wa kumutumbisha mu mafuku aafiki nsaa y’abakamusangula dingi kui Yehowa.