Të përdorim revistat tona nga shtëpia në shtëpi
1 Qëllimi i Kullës së Rojës i treguar qartë në faqen 2 të çdo numri është: «që të lartësojë Perëndinë Jehova si Zotin Sovran të gjithësisë. Ajo vazhdon të vrojtojë ngjarjet botërore, si plotësim i profecive të Biblës.» Sigurisht një revistë e tillë meriton një përhapje sa më të madhe që të jetë e mundur, në shërbimin tonë nga shtëpia në shtëpi.
2 Kulla e Rojës është një revistë e shkëlqyer për të nxitur interesin e njerëzve nga gjërat frymore. Kur lexojmë një botim të tillë, shikojmë që të gjejmë pika të përshtatshme për t’i trajtuar me të tjerët. Disa lajmëtarë bëjnë shënime në kopjen e tyre personale dhe përpara se të shkojnë në shërbimin në fushë, me atë numër të veçantë, rishikojnë shënimet, në mënyrë që të kenë pika specifike në mendje për t’i trajtuar me pronarët e shtëpive.
3 Për të filluar ne mund ta zgjedhim prezantimin, duke bërë një koment të drejtpërdrejtë mbi një subjekt të trajtuar nga Kulla e Rojës.
Në qoftë se i zoti i shtëpisë shfaq interes, mund t’i paraqesësh revistën ndoshta duke thënë:
◼ «Kjo është revista Kulla e Rojës artikulli i saj jep shumë hollësira mbi këtë temë.» Atëherë, përpara lexojmë një ose dy fjali të zgjedhura dhe pastaj vazhdojmë: «Po e shoh se ju intereson ky subjekt, a do t’ju pëlqente të lexonit edhe artikuj të tjerë nga ky numër i Kullës së Rojës? Nëse dëshironi do të isha i lumtur t’ju lija këtë revistë, Kulla e Rojës. Në qoftë se i zoti i shtëpisë e pranon revistën, mund të jetë e përshtatshme të thuash diçka ngjashëm kësaj: «Vepra jonë bëhet në mbarë botën dhe mbahet nga kontributet vullnetare. Në qoftë se ju do të dëshironit të jepnit një kontribut të vogël, do ta pranoja me gëzim.»
4 Në qoftë se i zoti i shtëpisë shpreh në mënyrë të qartë interes për gjërat frymore, mund t’i referohemi një shkrimi si ai te 2. Timoteut 3:1-5 për ditët e fundit. Pas kësaj, për të nxitur interesin e tij për revistën tonë, mund të lexojmë direkt nga faqja 2 e numrit të fundit të Kullës së Rojës, pjesën që fillon me fjalët: «Qëllimi i Kullës së Rojës.» Pastaj ofroji atij numrin e fundit të Kullës së Rojës.
5 Në disa territore ku njerëzit duken të interesuar në fe të veçanta, në vend se të paraqesësh një artikull të revistës mund të thuash:
◼ «Në këtë territor, kemi takuar njerëz që kanë fe të ndryshne nga e jona. Njerëzimi ka marrë drejtime nga më të ndryshmet për të kërkuar Perëndinë. [Lexo Veprat 17:26, 27.] A nuk ju duket se njerëzit në përgjithësi ndjekin fenë e prindërve të tyre, në vend që ta kërkojnë vet ata Perëndinë? [Lëreni të përgjigjet.] Kjo pikë është tamam ajo që thuhet në kapitullin tre të librit Ti mund të jetosh përgjithmonë në Parajsë mbi tokë. Ky libër paraqet fakte reale mbi pikëpamjen e Perëndisë ndaj feve dhe arsyen se përse është e rëndësishme një gjë e tillë.» Pastaj tregoji të zotit të shtëpisë listën e kapitujve dhe një ose dy ilustrime nga libri.
6 Kur ne shkojmë nga shtëpia në shtëpi, le të kujtojmë se kemi një vegël shumë të mirë për të ndihmuar njerëzit në botë që të përparojnë nga ana frymore, Kullën e Rojës. Duke bërë veprën tonë, le të nxisim interesin e pronarëve të shtëpive për këto revista dhe t’i japim ato në çdo rast të përshtatshëm.