Ndihmoji ata që të dëgjojnë «edhe një herë tjetër»
1 «Do të dëgjojmë mbi këtë edhe një herë tjetër.» (Vep. 17:32, BR) Kjo ishte përgjigjja e disave për fjalimin e famshëm të Pavlit në kodrën e Marsit. Po kështu edhe sot, disa janë të gatshëm për të dëgjuar më shumë mbi mesazhin e Mbretërisë që ne ndajmë me ta në vizitën tonë fillestare.
2 Shumë nga mësimi ynë bëhet kur kthehemi për të kultivuar interesin. Përgatitja e mirë do të na ndihmojë për të pasur rezultate pozitive. Libri Udhëzues për Shkollën në faqen 51 porosit: «Së pari, ki të qarta në mendje argumentet që mbështesin materialin. Përpiqu të përcaktosh përse një gjë është ashtu. Shiko nëse mund t’i shprehësh idetë me fjalët e tua. Fito një kuptueshmëri të mirë të provave biblike. Ji i përgatitur për t’i zbatuar shkrimet me efektshmëri.»
3 Nëse ke lënë broshurën «Cili është qëllimi i jetës—Si mund ta gjesh?», mund të thuash diçka të tillë:
◼ «Kur folëm herën e kaluar, biseduam se për çfarë arsye ne mund të kemi besim tek Bibla. Kjo broshurë flet pikërisht për këtë. Bibla na thotë se shumë shpejt vetë Perëndia do t’i zgjidhë të gjitha problemet që pështjellojnë njerëzimin si dhe na udhëheq në rrugën që duhet të ecim për të gëzuar bekimet e asaj kohe të lumtur. [Lexo Psalmin 119:105.] Kjo broshurë shërben si një ndihmëse për studim personal ose familjar të Biblës. Mua do të më pëlqente të të tregoja se si përdoret ajo.»
4 Në një rivizitë, nëse ke lënë fletushkën «Pse mund të besosh në Biblën», mund të përpiqesh për të thënë kështu:
◼ «Të gjithëve na intereson se çfarë ruan e ardhmja. Duke parë kushtet e tanishme të botës, çfarë mendon se do të ndodhë? [Lëre të përgjigjet.] Ndërsa njerëzit vetëm mund të spekullojnë kur thonë se çfarë do të ndodhë, Perëndia e di me saktësi një gjë të tillë. [Lexo Isaia 46:10.] Mund të habitesh kur mëson se Bibla parathotë se së shpejti ne do të gëzojmë bekimet e një bote të re parajsore. [Lexo paragrafin e tretë në faqen 4.] Më lër të të tregoj më shumë mbi këtë premtim të mrekullueshëm.»
5 Nëse ke lënë broshurën «A do të ekzistojë ndonjëherë një botë pa luftë?», ndoshta ky sugjerim do të jetë i efektshëm:
◼ «Herën tjetër të lashë një kopje të broshurës A do të ekzistojë ndonjëherë një botë pa luftë? dhe të premtova se do të kthehesha që të të ndihmoja për ta përdorur më mirë atë. Herë pas here, ne mund të pyesim veten se si mund të mbajmë lidhje miqësore me të tjerët. Bibla na ofron këshilla të mira dhe kjo broshurë mund të të ndihmojë për të gjetur atë që nevojitet. [Mund të lexosh në faqen 13, paragrafët 1 dhe 2. Tërhiq vëmendjen tek Isaia 2:4.] Ky është një shembull që tregon se Bibla ofron zgjidhje praktike për problemet tona. Herën tjetër dëshiroj të tregoj një mënyrë tjetër në të cilën Bibla mund të na ndihmojë për të gjetur lumturinë dhe paqen mendore.»
6 Nuk ekziston një thesar tjetër më i madh që ne mund t’u japim të tjerëve sesa njohuria e saktë mbi Fjalën e Perëndisë. Një njohuri e tillë mund të mësojë frikën e Jehovait dhe i inkurajon njerëzit të ecin në rrugën e tij, e cila sjell bekime të përhershme.—Prov. 2:20, 21.