A keni një kuotë të përcaktuar revistash?
1 A ju ka ndodhur ndonjëherë që të shkoni në një mbledhje shërbimi dhe të vëreni se nuk keni revista në çantë? Mirë, le të kujtojmë shtojcën e Shërbimi ynë i Mbretërisë, shtator 1995 me titull «Përdori sa më mirë revistat tona». Ajo na thotë që «të mbajmë një kuotë të përcaktuar revistash», duke shtuar: «Vendos një kuotë reale tek vëllai përgjegjës për revistat për një sasi të përcaktuar kopjesh për çdo numër. Në këtë mënyrë, ti dhe familja jote do të keni një furnizim të rregullt dhe të përshtatshëm revistash.» A e ke bërë këtë?
2 Përse të mos japësh një kuotë të përcaktuar revistash? Do të ndihesh edhe më shumë përgjegjës për t’i shpërndarë revistat javë për javë dhe do të përjetosh një gëzim edhe më të madh duke e bërë këtë gjë. Nëse tashmë ke një kuotë të përcaktuar, rishiko nëse po përdor sasinë që të nevojitet mesatarisht në muaj në shërbim. Natyrisht, ne duam që të jemi besnikë në tërheqjen e kuotës sonë çdo javë dhe duhet të ndiejmë njëfarë detyrimi për ta bërë këtë. Nëse po largohesh nga kongregacioni për një kohë të gjatë, njofto shërbëtorin e revistave nëse dëshiron që ai t’ia japë revistat e tua dikujt tjetër derisa të kthehesh ti.
3 E njëjta shtojcë e përmendur më sipër thotë, gjithashtu, se ne duhet të «programojmë një ditë të caktuar me revista». A mund të mbështetim ditën javore të revistave? Siç tregohet në Kalendari i Dëshmitarëve të Jehovait 1999, kjo ditë është caktuar çdo të shtunë të vitit! Të mos e nënvlerësojmë rëndësinë e shpërndarjes së revistave Zgjohuni! dhe Kulla e Rojës. Kur përpiqemi të marrim pjesë plotësisht në aktivitetin me revista, ne «po u sjellim lajme të mira mbi diçka më të mirë» të afërmve tanë.—Isa. 52:7, BR.